又loop咗幾粒鐘eason, 由初出道嘅歌開始聽
聽咗幾粒鐘之後終於聽到一啲我覺得係近年嘅歌
點知睇返年份, 原來都已經近十年
令我不禁停低諗一諗, 呢十年到底去咗邊, 發生咗咩事


十年前仲讀緊中學, 成績麻麻, 除咗返學之外就係行街, 踢波, 唱K
嗰陣唱緊嘅應該係阿牛..葡萄成熟時..浮跨..

呢十年間, 好似幾乎一切都變哂
個人價值觀唔同咗, 見識唔同咗, 生活方式變咗, 性格變咗
外面嘅社會都唔同哂, 連一直相信嘅普世價值都越嚟越受到動搖

冇變嘅係, 我仍然希望可以做個好人, 希望可以為周圍嘅人帶嚟開心同進步嘅動力
同埋, 我仍然住喺同一間屋, 瞓緊喺同一個位置

真係好奇妙
2007年, 即係SARS嘅幾年之後喎
乜唔係冇幾耐之前咋咩?
時間有冇咁快呀
乜2000年出世嘅人唔係BB嚟架咩? 乜就快成年嗱?