http://video.appledaily.com.hk/mcp/encode/2017/04/12/3321640/20170413_Vsub215AD_clean_w.mp4


Megan和Kenny數月前新居入伙，特意自製了一道Lego feature wall，滿足一屋Lego迷。

土地問題，香港人住的家越來越細，雖然空間有限，但始終是自己的安樂窩，當然要花點心思將蝸居設計得別樹一格。近年流行闢家中其中一道牆做特色牆（Feature wall），在上面貼喜愛的牆紙，或是畫上自己的大作，但好多時候都係得個睇字，如果有得睇又有得玩，係咪正好多先？

Megan和Kenny和四歲半的仔仔，一家三口幾個月前搬入三百多呎的蝸居，Kenny和仔仔都是Lego迷，家中周圍都放滿Lego擺設，他們眼見時下很多屋都有特色牆，又感到如果全屋都是白色牆身會很沉悶，就想到乾脆在客廳做個有功能性，又可以玩餐飽的Lego feature wall，他們更特意用了綠色的Lego底板，看上去更colorful，更sharp。


牆身面積達2米乘1.75米，更選用了綠色作底色，夠晒sharp。


四歲半的仔仔魚子醬應該最開心，可以日砌夜砌，有排玩。


仔仔作品，仲可以一邊玩一邊學英文。

「其實想了很久，一直都考慮整，但驚好難，而且始終係咁大幅牆，錯了不能返轉頭。」Kenny說，如果家中是油漆牆，又想整Lego wall的話，一定要用木板作「中間人」才會穩固，所以一下決定，就要豁出去，在牆身鑽幾十個窿。牆身面積有2米乘1.75米，所佔的比例都幾大，Lego迷Kenny就最開心，「玩Lego的人都會想砌些特別點，不是人人砌到，屬於自己的東西，有了這幅牆後，間中可以砌些人樣，古靈精怪的東西，多了一個輕鬆的地方。」


爸爸Kenny作品，他說是根據仔仔的樣子來砌的。


媽媽Megan根據屯門青山的起伏砌出的作品，熱愛戶外運動的她還特意買了個行山look的Lego人仔。


作為Lego迷，家中又怎少得大量Lego擺設？

他們兩夫婦又覺得，Lego wall很適合有小朋友的家庭，「Lego有很多玩法，是比較open mind的玩具，我們都傾向買散件回來砌，就是不想局限小朋友的創意。很多家長要小朋友讀書，其實砌Lego很有啟發性，小朋友亂砌後，又會告訴你是甚麼，可以訓練他的創作力和想像力，真的不錯的。有時星期六、日放假，天氣不好不能外出，都會一家人圍在一起砌Lego。」


這是Kenny根據當年和太太在布吉行禮的結婚教堂而砌的，足足花了個多月時間買材料和構思，再偷偷砌好送給太太作驚喜，冧到呢。


自製Lego wall的材料很簡單，只需要釘膠、木板、Lego底板和Lego粒粒。


貼每塊Lego底板時，記緊之間一定要預留約1毫米空位，否則日後砌Lego時會唔啱位。

Megan說，家人和朋友到訪他們的家，看到這道牆都會說很瘋狂，她就覺得好玩之餘，還很實用，「影相可以有個背景，在家開生日派對時，又可以砌字，慳返整banner嘅功夫。」不過，這也令她又愛又恨，「作為一個家庭主婦，清潔都真是一件頗痛苦的事，Lego都幾惹塵，又多窿窿隙隙，要用指甲逐行逐行抹，真的要花點功夫。」不過，有一道又靚又型格，而且變化多端，大人細路都鍾意的特色牆，就算要花多點時間心機清潔，也值得吧。

負責落手落腳弄這道Lego wall的Kenny說，其實製作方法好簡單，一個下午就搞掂，大家有興趣可以試試。

材料：（以牆身面積2米乘1.75米計）
1.釘膠2支
2.木板(約3分厚)
3. Lego底板50塊
4. Lego粒粒

步驟：
1.因Lego底板直接貼上油漆牆會很容易甩，所以要用木板作「中間人」。
2.先在Lego底面唧上釘膠，盡量不要唧在窿內，再貼上木板。
3.貼每塊Lego底板時，記緊之間一定要預留約1毫米空位，否則日後砌Lego時會唔啱位，可以在邊位砌幾粒Lego度位。
4.再等大約一日，釘膠乾透就完成。

材料費：
1.木板(2米x1.75米)$500
2. Lego板(50塊)$3250
總數：$3750

記者：黃子配
攝影：伍慶泉

2017果籽繼續認真知味。識買惜用。行以求知。好事多為。重修舊好。
緊貼果籽報道，即like：http://fb.me/AS.AppleDaily

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
撞到，就痛到飛起