近日香港風高物燥，前煲呔「智囊」劉細良大前晚同老婆為咗撐何俊仁，喺金鐘帳篷瞓咗一晚後，留意到現場帳篷密度極高，擔心一旦有煙民亂掟煙頭，或者愛字頭團體到場放火，隨時引起火警，所以細良噚日同班朋友商量後，就決定用近日籌到嘅兩萬幾蚊捐款，去油麻地新填地街購入廿張滅火毯同廿個滅火筒，再用雞記貨運送去金鐘，以備不時之需。
細良期間仲好有心，行過生果檔時，買咗一箱梨同蘋果聲援學生。有參與今次「防火」行動嘅義工透露，今次只係用咗約8,000幾蚊，嚟緊會將[#f71121]善款[/#f71121]繼續用喺其他地方聲援佔中，包括製作皮製黃絲帶、買物資等等，總之一定撐到底。

李八方
http://hk.apple.nextmedia.com/news/art/20141015/18900694

原來唔係劉細良出錢？