問下大家，去旅行要兌換外幣通常去邊度兌？今次要同大家分享一間喺香港嘅兌換黑店！事源去越南前，同行友人出發機場時，特登去咗一轉旺角，打算兌換少少越南盾旁身。




越南盾不算十分流行嘅外幣，所以友人行了將近十間先至喺最後呢間問到有。喺朗豪坊附近的。

當時情況如下：

友人：「請問有冇越南盾？」

染上一頭淺金髮的店員：「有呀」拎出計數機咁咗一堆數字俾友人睇，友人未清楚之下，佢就收番走部計數機

友人一聽有，果下心情當然happy，心諗行咗十間終於有啦，「好啦，轉頭嚟換！」

染上一頭淺金髮的店員：「轉頭？轉頭就俾人買晒架啦，你落住訂先啦！」

友人結果放下港幣 150 元作訂金，之後回頭再兌錢。

後來拎咗四千多港幣換越南盾，便趕到機場跟我哋會合啦。

食過番尋味



臨上機前，佢開始講番件事，我哋問佢匯率係咪 0.35？(一般 0.35 港元兌 1000 越南盾)佢就話好似唔係，即刻拎張收據出嚟睇，發現係 0.55(0.355 港元兌 1000 越南盾，即係收高咗好多)！兌換店賺咗差不多 2,000 蚊！

於是佢即刻打電話俾間兌換店，點知染上一頭淺金髮的店員就話，我係收得高，不過我有話你知個匯率架，你接受架，一個願打一個願捱啫！你仲簽埋名架！

友人想兌番港幣，染上一頭淺金髮的店員就話：「你用唔晒我哋最多幫你收番， 0.32！」

哇，食水一次唔夠，仲想食多一次？

黑店曾收多次投訴

無奈要上機，友人後來托上托，搵到一個做警察的朋友，諗住搵佢可以幫手，結果，大家都應該知係無可能啦！

唯一知道嘅係，呢個店已經收到過好多投訴，至於點解仲可以營運我就唔知啦，講番呢件事出嚟，希望大家唔好好似我朋友咁蠢，唔睇清楚個匯率，就去兌錢！！

http://www.gotrip.hk/columns/旺角_兌換黑店/


不良營商手法好似可以搵人拉佢既
如果有投訴，政府部門就要開FILE跟
當然有時間更係要定期出EMAIL確認係咩情況啦


《2012年商品說明 (不良營商手法) (修訂) 條例》(《修訂條例》) 已於二零一二年七月十七日獲得立法會通過，並於二零一三年七月十九日全面執行。《修訂條例》擴大了《商品說明條例》(第362章) 涵蓋的範疇於二零一三年七月十九日全面執行，以禁止商戶對消費者作出某些不良營商手法，包括就服務作出虛假商品說明、誤導性遺漏、具威嚇性的營業行為、餌誘式廣告宣傳、先誘後轉銷售行為，以及不當地接受付款。

《修訂條例》亦設立了一項民事遵從為本執法機制，以鼓勵商戶遵從法例及制止已知悉的不合乎法例的手法。在此機制下，執法機關如相信某商戶作出被禁止的不良營商手法，可不提出刑事檢控，而接受該商戶停止有關手法的承諾書。



《商品說明（修訂）條例》將六項不良營商手法納入規管，加強消費者保障。瀏覽短片及漫畫，了解法律權益。

虛假或誤導性商品說明
誤導性遺漏
具威嚇性的營業行為
餌誘式廣告宣傳
先誘後轉銷售行為
不當地接受付款

https://www.consumer.org.hk/ws_chi/unfair_trade_practices/index