http://video.appledaily.com.hk/mcp/encode/2017/04/18/3326154/20170419_Vsub320NEWAD_clean_w.mp4


雖然Ceci只有三隻腳，但主人Queenie卻從未放棄牠，接納牠為家的一分子。

第一次見唐狗Ceci，已經熱情得又跳又跑，好不活潑。若不細心留意都未必發現，牠原來只有三隻腳，失去了右前腳。雖然如此，但主人謝美蓮（Queenie）卻從未放棄過牠，還接納Ceci為牠的家一分子。

談到Ceci的經歷，要從2016年1月說起。當時Ceci是流浪狗，疑因被車撞被遺棄在街頭，後來被「愛領養動物中心（Love Adopt Animal Society）」義工發現收留，再放在網上呼籲有心人協助。剛巧Queenie在facebook看到呼籲，就主動聯絡了義工。不過社會大眾一般人對流浪狗好抗拒，更何況是有傷的狗？Queenie她本身有十年養狗經驗，家裏分別有一隻貴婦狗Charlie和唐狗布丁，從來沒有領養有缺陷動物的打算。而Ceci之所以觸動到她，全因為她被牠的憂傷眼神吸引，「當時覺得牠很可憐，我唔明白點解一隻動物眼神會如此憂傷，佢好似唔知道自己前程係點咁。加上帖子有一句說話，『與其花錢買衫吃飯，為何不花錢於動物身上』，令我很大反思。」自此，Ceci成為她人生的轉捩點，「以前真係覺得寵物就寵物一隻，純粹為養而養，好娛樂性質。正如香港有很多港豬只會花錢在食和娛樂。」在她眼中，香港是富裕社會，但她因Ceci才驚覺原來動物世界可以如此悲慘，於是膽粗粗搵義工，希望可以成為Ceci的助醫者。

以前接受唔到三隻腳　一年學懂接納缺憾
Queenie於是跟義工提議出錢帶牠看醫生，但醫生當時對她說Ceci因為神經線壞死而冇得醫。她不甘心，偶然認識了一些經驗豐富的外國獸醫，主動自費出錢醫。終於由去年4月開始，她帶Ceci每隔三個月，分別在7月和10月，前後做三次手術，滿懷希望可以治好牠。豈料事與願違，「10月中嗰次手術，醫生手術中途對Ceci話『Today is your big day』，之後話我知原來佢的骨受感染而枯晒，要做截肢。好似開大細咁，你越唔想開就越開嗰瓣。嗰一吓都覺得接受唔到。」Ceci辛苦了大半年，治療過程持續要吃抗生素，令Queenie一直好擔心。為免牠再辛苦下去，Queenie最後都只得接受截肢的結果，在家人的鼓勵下，把Ceci領養帶回家。

起初，她還悉心預備防滑墊鋪在樓梯。直至頭一兩天有次不為意打開了阻隔的閘門，目擊Ceci一支箭衝落樓梯，「以前我有個觀念覺得動物要有四隻腳，覺得三隻腳唔能夠接受，會擔心唔識照顧佢。我先驚覺原來佢有缺陷，但生活完全冇問題！」和其餘狗隻相處如何，會否被牠們欺負？Queenie笑說：「完全冇！反而另外兩隻好奇點解Ceci會跳跳紮，依家佢不時同布丁Charlie在家裏飛簷走壁！」


Queenie家裏分別有一隻貴婦狗Charlie和唐狗布丁，與Ceci相處融洽。


Queenie之所以領養Ceci，全因為被牠的憂傷眼神觸動。

從戴有色眼鏡到一視同仁　身體力行幫流浪狗
領養Ceci一年，Queenie放下對殘疾動物的有色眼鏡，以一視同仁的心對待三隻動物，「行路方面唔會特別遷就，因為佢同正常狗差不多，試過最長走一個至個半鐘，中途很少停下來。」又例如Ceci貪玩，咬住玩具唔肯放，Queenie都會喝令牠，絕無半點偏心，「最重要係用平常心對待佢。」雖然對有缺陷的動物放下成見，不過令她最難受是街外人對唐狗或有傷的動物有很大偏見，「呢一區（淺水灣）不少人養名種狗，見到佢三隻腳，感覺佢會襲擊人，會即刻拖後隻狗。亦都試過去街，聽過有人細細聲同小朋友講『唐狗會咬人，唔好行太埋！』」

雖然如此，她沒有因此棄養Ceci，更身體力行支持流浪狗，例如租借空舖場地予狗義工舉行領養日，又會替流浪狗隻做暫託，「朋友覺得我很儍，問做乜要咁麻煩自己。我會解釋畀佢哋聽，慢慢佢哋都理解多咗，有啲甚至唔再購買而係領養狗隻。」但，怕唔怕俾人話都要靠錢先幫到動物？她思索一會，答：「幫動物唔一定要講錢，二十元是錢，一萬元也是錢，應該根據自己能力去分配資源幫助人同動物。最重要係，以生命影響生命。」本來對流浪動物零知識的她，到今天身體力行默默幫流浪貓狗，或許正正證明了動物最需要的，就是一顆平等對待的心。


三次手術的大半年期裏，Queenie每天都會替Ceci按摩三次，減輕牠腳患之苦。


每天會放狗兩次，不會因為Ceci缺陷而特別遷就。

記者：鍾藹寧
攝影：周芝瑩

2017果籽繼續認真知味。識買惜用。行以求知。好事多為。重修舊好。
緊貼果籽報道，即like：http://fb.me/AS.AppleDaily

緊貼「蘋果VR」熱潮，打開雙眼隨意門，讓「蘋果VR」陪您探索新世界：https://goo.gl/b5RQAB

「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
真有愛心