http://video.appledaily.com.hk/mcp/encode/2017/04/23/3330150/20170424_Vsub390AD_clean_w.mp4


傳心師告訴Carol，抱抱和她是十八世紀一對情人，故她專程訂製歐洲宮廷服，為牠慶祝十歲生日。

一櫃靚衫、頭飾、滋補食材；間中去studio影靚相；有人為自己辦宮廷主題生日會──這種衣來伸手、飯來張口的日子，可能是很多人夢寐以求的生活。擁有這種公主級待遇的，卻是一隻十歲的嬌小型玩具貴婦狗。「有個傳心師同我講，原來『抱抱』同我之前係一對十八世紀嘅情人。」於是主人決定為愛犬辭職，全職將前世情人錫到燶！

常說要了解一個人，應從書櫃看起；我說香港住屋環境小，省點時間，看客廳擺設便可。甫進狗主Carol Chow的家，視線前方就是電視櫃，上面放滿以白色貴婦狗為主角的擺設──油畫、相片、模型3D蛋糕、放大了的貴婦狗相片展板……而這位主角，正躺在骨頭形地墊上，小尾擺擺的看着我。「呢幅油畫係託一個姐姐畫嘅，個蛋糕係抱抱十歲生日會時訂做嘅，呢幅相係專登幫佢設計嘅宮廷服，條裙真係好靚！」Carol熱情地向我介紹擺設，說起抱抱時眼裏閃動着神采。

在抱抱九歲時，間中參與其他狗友為愛犬舉辦生日會的Carol，想起抱抱從未有過生日會，而十歲是個值得紀念的時刻，於是問過家人意思，一致同意舉辦生日會。12月的生日，1月時已開始籌備，主題是十八世紀，訂製蛋糕、訂做靚裙、設計簽名板，「有個傳心師同我講，原來抱抱同我之前係一對十八世紀嘅情人，但當時我係個男士去照顧佢，呢家就係另一個媽媽身份照顧佢。我覺得呢個係緣份，不如用十八世紀呢個主題啦。」穿上十八世紀宮廷服、戴上暗紅蝴蝶結頭飾的抱抱，儼如一個高貴的公主。原來公主還有專用衣櫃和頭飾盒，內有60件衣裙及40件頭飾，分分鐘多過你同我，「衫同頭飾一定唔少得，想佢靚嘛。」Carol笑言，每逢有速遞送貨上門，家人看到就說：「又係抱抱㗎啦，唔使問！」皆因Carol甚少為自己購物，多數只為抱抱。


生日會簽名板仍掛在客廳牆上。


Carol邀請了「白貴婦會」狗友們參加抱抱的生日會。


Coral為抱抱十歲生日會訂製的3D生日蛋糕。

愛犬多病　聞蒸氣止咳食花膠筒補身
抱抱來自寵物店，剛帶返家時經獸醫檢查發現患有狗房咳，是一種幼犬常見的呼吸系統疾病。相熟獸醫說此病手尾長，建議Carol返寵物店替換另一隻，卻遭她一口拒絕，「唔可以拎返去換，雖然我哋嘅相處時間得幾日，但都已經有感情，我唔捨得。」接連覆診餵藥無間斷，冬天Carol會在狗籠外蓋上厚被，每晚煲水讓抱抱聞蒸氣，「我用人角度諗，人咳都係聞蒸氣，試過半夜起身煲水畀佢聞，聞咗佢係舒服啲。」一個半月後，抱抱痊癒，Carol自此十分關注牠的健康，六歲後每年帶牠做身體檢查，更發現牠有膀胱炎、心瓣肥大等毛病。

大概因抱抱多病纏身，Carol特別注重牠的飲食營養。除了衣櫃，客廳地台一角，也是抱抱專用食物櫃，裝滿了風乾、凍乾肉類，由魚肉、火雞、羊肉、鴨肉，甚至鹿肉、鱷魚肉、花膠，想不到的都有。Carol說，抱抱患有皮膚病，因此會買低敏凍乾食物，一日兩餐，每餐不同口味，讓抱抱食得快樂安心，「自從佢心臟有事，冬天會咳多啲，坊間話鱷魚肉對氣管有幫助，有時自己訂凍乾鱷魚肉，有時自己去海味舖買曬乾鱷魚肉，再焗乾當小食畀佢食。」還有內含鱷魚肉和杞子的花膠筒，「杞子明眼，佢年紀大開始有白內障。」每種食材一包近百元，可吃三個月，一個月的食物開支約三百至五百元，「其實一見到就忍唔住手買畀佢，食物方面佢永遠食得好過我哋，我哋求其又一餐，佢就真係唔得。」


抱抱天生腳骨移位，曾患狗房咳，後來隨年齡增長，更陸續有皮膚病、膀胱炎、心瓣肥大等毛病。


Carol間中帶抱抱去影樓拍照。


抱抱有40件專用頭飾，配襯不同服裝。

錫狗多過錫人　辭職陪伴
為了使抱抱過得快樂，Carol三年前決定辭去IT工作，全職陪伴抱抱，「佢係我唔去做嘢嘅推動力嚟，我由做嘢到唔做嘢，佢嘅轉變係最大。」從前一家人各有事忙，抱抱整天悶在家中，Carol說牠「唔識笑」。後來她辭工，有更多機會帶抱抱出外散步，結識狗朋友，她說抱抱明顯比以前快樂，「原來真係有人喺屋企陪佢差好遠。」

問她有否覺得自己錫狗多過錫人？Carol笑說認同，「夏天寧願自己搭巴士，同抱抱就搭的士，因為佢唔熱得。」她認為狗隻不像人能以言語溝通，不懂看牠們的身體語言，只好多從牠們的角度，猜測其需要。至於會否認為自己是「怪獸狗主」？她說怪獸與否視乎你怎樣看，「有冇人覺得我好緊張隻狗？有嘅，例如問點解食飯要抱住佢食，唔舒舒服服咁食，我嘅睇法係，大家一齊食先開心，同佢一齊食飯嘅日子，未必咁長。」更有人問何必準備這麼多好食材給牠，而不餵狗糧？Carol嘆口氣道：「自己做到嘅，就盡量畀佢。」


抱抱的專屬衣櫃內有60件衣裙，價錢由三百至六百元不等。


因抱抱多病，Carol特別注重牠的飲食營養，不惜工本訂購各式凍乾肉給牠。

記者：封愷瑜
攝影：王國輝
編輯：謝慧珊
美術：黃創泰

緊貼「蘋果VR」熱潮，打開雙眼隨意門，讓「蘋果VR」陪您探索新世界：https://goo.gl/b5RQAB

「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
咁冇謂