http://video.appledaily.com.hk/mcp/encode/2017/04/23/3330160/20170424_Vsub391AD_clean_w.mp4


Cactus說狗隻的腳墊其實比人的腳掌皮膚更為厚實，故不用擔心牠們出街走路會感到不舒服，需要穿鞋甚至不讓狗隻落地走路。

「怪獸家長」聽得多，「怪獸狗主」你又聽過未？不少狗主人當毛孩是親生仔女，愛錫牠們當然好，但有時愛得太深，分分鐘愛佢變成害佢。究竟怎樣才算怪獸狗主？記者收集了一些市民意見，談談心目中的怪獸狗主，再請來犬隻訓練師莫家瑩（Cactus）對症下藥，救救怪獸狗主！

特徵一：大熱天時幫狗着衫？
Cactus認為這是怪獸行為之一：「好多狗主無諗到狗仔即使唔着衫，已經好似着咗毛衣一樣，再着其實會令佢過熱，過熱就可能令佢哋中暑，而中暑係好嚴重嘅問題。所以家長無理由因為貪靚、鍾意fashion，就亂咁幫佢哋着衫。」她說想幫狗隻扮靚其實還有其他方法，例如配戴小裝飾圍巾，同樣可以讓牠們醒目可愛，又不會過熱。冬天又應否為狗隻穿衣？Cactus說要視乎狗隻品種，「長毛狗嘅毛與毛之間困住空氣，已經足夠保暖。但一啲狗毛髮較短，天氣凍時可選擇着番件薄衫。」至於身體較弱的狗隻，不論長毛與否，最好在天氣寒冷時添衣保暖。


有隻狗主擔心狗隻走在街上會把腳板弄髒，惹上細菌，其實出街時帶備濕紙巾，返家前幫狗隻抹乾淨腳，已經能夠解決問題。


擔心狗隻感染牛蜱熱等疾病，可每月幫牠滴藥水，做足預防措施。


想幫狗仔扮靚，可用裝飾圍巾取締衣服，既醒目可愛又可避免狗仔過熱中暑。

特徵二：出街要狗仔着鞋？
「我覺得呢個太誇張啦，狗仔雙腳就係用來行路。」Cactus說。狗隻的腳墊其實比人的腳掌皮膚更厚實，故不用擔心牠們出街走路會感到不舒服，甚至會痛。「其實畀佢哋出街行吓路，感受唔同地板嘅質地同溫度，係好重要。」有些狗主擔心狗隻走在街上會把腳板弄髒，返家後繼而弄污地板，才替牠們穿鞋，Cactus認為其實出街時帶備濕紙巾，返家前幫狗隻抹乾淨腳，已經能夠解決問題。

特徵三：唔畀狗出街落地？
Cactus表示曾見過很多這種事例，「我覺得呢個係怪獸行為，狗主全程抱住狗，或全程推手推車，點都唔畀隻狗落地。」但狗主可能忽略了狗隻本身愛玩，牠們落地除了可以到處走動做運動，亦能用鼻子探索四周。其實很多狗主連帶狗出街也不情願，「可能一星期只畀隻狗出街半個鐘，屋企人返工朝九晚五，得狗仔日日困喺屋企，係好悶嘅事。」她認為狗主要明白，不讓狗隻出街落地走動，牠們會缺少很多樂趣。

特徵四：買風乾食材？
Cactus則認為這不是怪獸行為，「我覺得咁只係為佢哋健康着想，狗主從滿足狗仔需要角度出發，我覺得ok。」她坦然自己也曾給狗隻食風乾鱷魚肉，確實讓牠們喜愛，因肉香與一般餵食的雞肉和豬肉不同，讓牠們有新鮮感。

是甚麼原因構成怪獸狗主？Cactus認為其實與怪獸家長類同，很多狗主都非常愛錫狗隻，但因係太過愛錫，以致過度保護牠，「所以做出一啲行為，冇平衡到狗仔本身需要，呢個唔平衡就係怪獸的來源。」她說最重要是身為狗主要多學習，了解狗隻特性。若狗主擔心狗隻感染牛蜱熱等疾病，可每月幫牠滴藥水，做足預防措施，這就不致於因過度擔心狗隻，奪去牠們出外玩樂的自由。「我覺得最重要係，唔可以當狗仔係自己嘅附屬品。」

Facebook：Cactus N Dogs全職狗奴生活扎記

記者：封愷瑜
攝影：林栢鈞、劉永發

2017果籽繼續認真知味。識買惜用。行以求知。好事多為。重修舊好。
緊貼果籽報道，即like：http://fb.me/AS.AppleDaily

緊貼「蘋果VR」熱潮，打開雙眼隨意門，讓「蘋果VR」陪您探索新世界：https://goo.gl/b5RQAB

「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
好得意