話說今日就成家人一齊同d親戚去飲茶啦
撚左兩粒鐘到，大家都食得七七八八
我表哥無啦啦企起身話佢埋單啦
本來都無乜野，但係我舅父就話佢係長輩由佢比
之後兩個係到爭持左一陣，堅持要埋單
我表哥爭下爭下無名火起沖左去守住個櫃枱
之後對住我地大嗌：

想埋單?得!
要埋單就踩過我條屍先啦!

之後全場d人都望住我地
我坐緊輪椅嘅三叔公見場面咁尷尬
就出黎叫佢地唔好爭啦，由佢比
點知表哥聽到之後仲痴線

又話：比我埋啦三叔公，你留返個錢買棺材好過啦!

呢句一出全場嘩然
三叔公都好似興興地就加入混戰

表哥係呢一刻經已爭埋單爭到失去理智
之後就話：

[#C00000]唔洗爭啦三叔公
唔洗留錢買棺材啦
我而家就送你入棺材![/#C00000][/size=6]

而家佢地已經嘈左成3粒幾鐘
我三叔公激動企埋起身，而家連輪椅都唔洗坐
想問下大家有何甩身嘅對策?