| 發表文章 | 發起投票 |
叮噹法寶物理原理大解構 (一)
時光機/隨意門 (タイムマシン/どこでもドア)[/size=4]
固名思義，時光機就係用嚟任意穿越時空，去時間旅行嘅法寶；而隨意門就係用嚟做瞬間轉移，可以隨意去任何地方(只限十光年內，好似係)。呢兩件法寶都係出現次數最多，最受歡迎嘅法寶之一。
咁呢兩件法寶背後又靠咩原理運作呢？根據官方同叮噹嘅解釋，隨意門原理係運用蟲洞(wormholes)，將所在地同目的地間嘅時空扭曲直接令兩地靠攏 (詳見漫畫大長篇《大雄的宇宙開拓史》，見下圖) 至於時光機背後嘅原理就冇詳細解釋過啦(好似係)…不過基於蟲洞喺叮噹漫畫世界入面係存在而且可以輕易造出嚟，小弟斗膽推論叮噹嘅時光機都係用咗蟲洞嚟進行時間旅行。
https://fsp.youthwant.com/images/580_10205162359556959.jpg
喺現實世界時間旅行、瞬間轉移又有冇可能呢？首先講時間旅行。根據狹義相對論(special relativity)，基於時間係相對嘅，去未來呢個選項其實唔難，甚至連蟲洞都唔需要。只要運用時間遲滯 (time dilation)呢個現象，我地只要加速至接近光速(亞光速)就可以輕易去到未來。現實上1941年已經有實驗量度地面來自宇宙射線中嘅muon數量，一種類似電子但重好多同會衰變嘅基本粒子，去證明呢個現象 (詳細關於狹義相對論嘅講解請重溫番物理喵同小弟之前啲文[1])
21
2本貼文共有 0 個回覆
此貼文已鎖，將不接受回覆
| 發表文章 | 發起投票 |