陶伯笑人講飲講食. 咁法國式空談又有何用?

法國大談理論主義, 頹足二百年而無休止之勢.


<食貨志> 好多人都聽過, 係乜? 點解叫食貨?

食貨即經濟. 經濟無非就係消費, 唔消費, 可以自給自足, 根本冇數可計, 亦唔需要計.

楊懷康引述他人所講, 你入世, 自然感受到經濟好壞, 唔係靠統計數字、數據. 點解感受到? 因為經濟就正係食貨生活.

好似習近平咁, 好似以前皇帝咁, 甚至係五百蚊買乞兒, 乜錢都唔駛用, 已經唔知出面係點. 真係國難當前.

唔一定要用好多錢, 唔需要日日食. 係有冇研究之心. 法國美食家對世界貢獻, 係哲學家嘅無限倍.


芒果最少有兩個產地, 菲律賓, 泰國.

今年菲律賓嘅芒果, 擺喺廚房, 離遠都聞到香味, 唔係人造芒果香味, 而係好似親身去到熱帶果園, 由植物花香都果香都有.

泰國嘅, 喺超市幾百個都冇味. 揩到鼻窿聞都冇味.

時令生果, 以芒果、荔枝最有果香, 然後到龍眼. 而且唔係年年都咁靚. 榴槤都係, 不過太頂胃, 食唔落, 但都知道馬來西亞仲靚過泰國. 泰國茉莉香米最靚, 好過越南.


煎釀青椒, 有時撞到有隻辣, 可以好辣下, 但係帶點青, 新鮮過辣椒油. 唔俗, 唔熱氣.

相反, 中式辣椒油、辣椒醬, 過度加熱加工.

諗過可唔可以將生青椒磨成蓉 (或攪爛再磨), 會唔會做到更好嘅辣椒醬?

水份過多, 試下用離心機輕微脫水, 將水混入鹽, 再加返一齊當防腐/ 調味.

依家都有「剁椒」賣, 不過唔夠蓉. 而且青辣椒好似清新D.


以前維記牛奶已經算好. 後來有北海道 3.X. 最近覺得明治仲正, 紅色盒, 4.3.

睇到有個汽水廣告, milky soda, 仲未有機會試, 應該係乳酸味. 呢類嘢我會揀日本製產品.

Yogurt 有益, 但細路唔中意食, 可以試下放入冰箱, 結冰食.


近排又食過一次大家樂咖哩飯, 好返好多, 夠濃.

但係奶茶、咖啡差到無倫. 比起廿年前奶茶、幾年前即磨咖啡, 真係兩個極端! 一杯清水好飲過佢!! 仲要D奶凝喺面, 一片片白色, 咩 cheap 奶精

到底快餐店有冇搵人神秘測試?


阿信屋或者可以搵世界各地嚟香港嘅 expat, 介紹下當地有咩不為人(港豬)知嘅正嘢, 喺店內分幾個區推廣.

阿信屋 market 賣平嘢, 鬥低價;

阿信屋 deluxe 賣貴嘢 : 日本零食, 地中海飲食, 澳洲急凍肉, 北大西洋海產, 本地有機農產品, ...... cheap 嘅替代品就咪搞.

串錯字、仆街都有分幾條線, 丁神, 三碌拎, 國際, 味道, 偉大, ...... 另外有一間城市超市...... 支那文譯名柒到出汁 唔怪得全部用洋文

香港叫 Benz 就 Benz, Sony 就 Sony. 奔馳熊, 罪大惡極, 好難明...... 囉. 有錢唔代表你搣得甩浸燦味.


零售業依然有三大問題 : 增值, 選址, 名氣.

是但要有一瓣強項, 否則會被網上直銷取締.

散貨[/size=5], 講到增值/ 加工, 就同三文魚一樣, 喺香港做並冇任何優勢. 煙燻又叻唔過鬼佬.

一係咁啦, 派人去外國學藝, 好似一百幾十年前嘅日本仔咁, 再去亞洲各地入貨, 喺香港加工, 蔗渣價錢, 造出燒鵝味道, 喺平價店賣, 逐步向上爬. 做到好, keep 得住, 就係名氣.

再早一步, 喺泰國開豬場, 人工飼養黑毛豬, 咁要研究點樣令人工餵飼接近野放, 食單一飼料、冇運動、唔講究配種嘅豬一定差.

咁就變成生產為主, 門市係直銷店. 只有咁先至唔驚畀兩大超市搶走貨源供應. 否則就要去外國同總公司傾, 如果第一批賣得好, 包銷每年幾多件, 畀阿信屋做埋港區獨家代理.

單計舖面, 阿信屋有輕微優勢, 比超市靈活, 唔駛大到咩咁. 類似便利店. 其實便利店都係另一大競爭對手. 便利店仲有嘢食, 日本好食, 香港唔多掂.

賣食物對手有 City Super.

賣日用品, 佔用空間多, 以每呎空間計, 利錢唔高. 電腦系統自動處理翻貨, 一係每日由貨倉補貨幾次. 呢點可以減少舖租支出, 加上網上付款之類, 有機會挑戰到網購.

以前買特色百力枝係阿信屋, 仲有即食魷魚筒飯, 第一次買除臭洗衣液都係喺阿信屋家品, 不過後來 PK 都有, 就冇咗獨特性. 伏嘢貴嘢數不勝數.