http://video.appledaily.com.hk/mcp/encode/2017/05/13/3345318/20170514_Vsub676NewNewAD_clean_w.mp4


左邊：阿鐵、鐵媽媽、嘉儀媽媽、嘉儀

兩位媽媽由最初「不太願」乘上阿仔的鐵+2航空，到後來越來越期待。

VR睇片網址：http://bit.ly/2pEvVHU

去年年尾，我們跟鐵+2航空公司的任智偉(阿鐵)及劉嘉儀，同近四十個壯男義工一起帶輪椅人士Iris及美儀飛天，實現夢想，場面勁熱血感動。不過，玩滑翔傘四年，阿鐵由到世界各地比賽，到香港排名第二，載過許多乘客飛天，放假時間都在天空度過。不過，這間人肉航空公司CEO最想載的VIP，是這兩個女人。

從他們四年前走去學玩滑翔傘開始，逢假日，兩位媽媽就會咦咦哦哦，阿鐵媽媽黃秀珍(60歲)：「他每一次話去玩其實我都好擔心，我擔心到食唔落！個胃頂著頂著咁。有時佢話天氣唔好飛唔到，嘩！我不知幾開心！」鐵媽笑到腰果眼；嘉儀媽媽吳玉琳(60歲)更細膽：「佢放假就揹住個大袋出去，起初唔話我知去邊。又鐘意玩笨豬跳、高空鞦韆嗰啲，返嚟俾片我睇，見佢嘭一聲跌落去，嚇死我呀！」拍住個心肝仔。但係兩個兒子都說喜歡，又次次都無穿無爛，唯有隨他。

看著日夜為自己擔心的媽媽，兩個大隻仔於心不忍，古語有云(其實冇)，消除恐懼的最好方法是面對它，讓媽媽體驗一次無腳雀仔的感覺，毒她們迷上飛翔，就不必擔心，或者仲可以一齊玩。兩個平時山都唔多行的媽媽初時耍手擰頭，但有阿仔帶喎，感受阿仔嚮往的世界，結果今日齊齊站在昂平草原，望著西貢海等飛天。嘉儀媽媽有點緊張：「阿仔話人一世物一世，乜都要試吓嘛，咪嚟試吓囉。哈哈。」阿鐵：「小時候你揹我周圍去，而家大個我揹你了！」不知是驚還是感動，鐵媽眼泛淚光，阿鐵：「我有事都不會讓你有事的！放心放心！」大吉利事！二人即撥手撥嘴：「吐口水吐口水吐口水！」笑作一團。

穿戴好，滑翔傘最恐怖的，是要死命往斜坡奔去，雙腳踩空被降傘突然抽起。兩位媽媽喊住驚，被仔仔推住奔出去，呀一聲飛上長空。鐵媽媽好開心：「終於飛到啦！緊張了幾天總於可以飛了！」阿鐵突然變出一枝壓扁了的康乃馨，大風一吹，吹掉了兩個花冠，笑到唔識驚。嘉儀媽媽吹住風，覺得；「幾舒服喎！」看看腳底，又好驚：「幾時返去呀仔？」問了六、七次。

要辛苦上山，要大膽衝落山，但有阿仔拖手行山，抱住飛天，最緊要明白，原來仔仔玩滑翔傘真係好叻，飛上天空的感覺頗穩定，甚至不及電單車刺激。下回仔仔再玩甚麼，也預媽媽一份吧。


往四百多米昂平高原的路有點累人，嘉儀扶著媽媽步步前行。


吹東風的時候，許多滑翔傘愛好者都聚到山頂飛天去。


阿鐵跟鐵媽媽繞過大金鐘山頂回來。


嘉儀媽媽怕滑翔傘太晃，玩了一會就怕怕了。


半空收到阿仔收埋，壓扁了的康乃馨，大風一吹就掉了兩個花球。


回到地面，感覺飄飄然，刺激但有阿仔抱著，冧晒。


下次挑戰更遠路程，飛到西貢去！

記者：陳慧敏
攝影：伍慶泉梁志永

2017果籽繼續認真知味。識買惜用。行以求知。好事多為。重修舊好。
緊貼果籽報道，即like：http://fb.me/AS.AppleDaily

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
嚇鳩死老母