同EX 分左手唔知幾多個月啦，本身有諗過係曾經既周年記念日出以下呢個post。不過結果果日由朝忙到晚就放棄左。
雖然而家有女仔鍾意我，但我都冇一齊。也許係因為妳，我每日都會有意無意咁諗起妳，同妳一齊既回憶，時光。幾年黎我地經歷既所有野。我明白我同妳之間係冇可能架啦，因為妳已經有新既男朋友。有新既生活。所以無論點都好。我都唔會再去搵你。雖然有時會諗，如果我地係街到撞到，我應否去同妳打招呼，我應該點樣面對妳好。不過也許我地呢一世都唔會再見到對方，呢個都唔知係好事定壞事。可能係因為妳既關係，我今個sem take左你專精既一種語言。時間得一個sem咁少。雖然學得唔多好，但我有努力去溫書。
我知我要放低妳，我亦都好比心機去嘗試，我唔會好似其他人咁講做唔到。因為我知時間既洗禮，咩都係有可能。想念妳已經係我習以為常既習慣。坦白講，我同妳一齊既時候，先係真正感受到拍拖既感覺，而之前果D~我係完全感受唔到。也許定義上黎講~妳唔係我初戀，但我覺得妳先係我初戀。多謝妳帶比我初戀既羞澀，學生時期既曖昧，青春既甜蜜，熱戀既激情，無微不至既親密，細水長流既平淡，刻骨銘心既回憶。我同妳各自都有各自既道路要走，無論如何，希望妳能夠搵到妳既幸福。

~~~~亂開post~~~~勿屌