(圖片來源：https://chinesedora.com)

鑒於觀眾嘅支持同熱烈回應(好似係)，小弟決定延續香港空想科學系列，繼續解構叮噹法寶背後嘅物理原理

毀滅地球炸彈（地球はかいばくだん）[/size=5]

每次叮噹遇到「宿敵」老鼠發瘋時都會攞出嚟嘅終極武器。外形酷似魚雷或核武，威力不詳，因為從來都冇有過 (好似係)，但叮噹聲稱可以輕易毀滅地球，所以叫「毀滅地球炸彈」。(聲稱) 能夠輕易毀滅地球，相信呢個炸彈嘅威力應該比核彈仲強好多倍。實際上個炸彈威力又有幾大呢？理論上有冇可能做到出嚟呢？

要解答第一個問題，睇嚟只有死後去搵藤子．F．不二雄或者進入漫畫世界入面做實驗，喺叮噹面前放一大堆老鼠，等叮噹失控掟個炸彈 (此乃危險動作，叮噹漫畫有可能因為咁消失，小朋友包括大雄請勿嘗試 XD)

毀滅地球需要幾多能量?[/size=5]


雖然唔知實際威力係點，但都可以用物理推測下嘅。首先假設毀滅地球嘅意思係將地球炸到完全粉碎不成球形，咁需要幾多能量呢？答案大概係地球本身嘅重力結合能量(gravitational binding energy)，即係將鬆散物質透過重力相互「痴埋一齊」嘅能量，亦即「拆散」佢地最少需要嘅能量。呢個數係幾多呢？要計其實唔難(如果你識微積分嘅話)