聽落就係幫佢地自力更生, 只係一次過

但事實同地震一樣, 係會久唔久發生一次, 並唔係真係一勞永逸

一個地點根本唔適宜定居, 你畀錢叫佢地留低, 反而令佢地死於下次天災 -- 亂派錢都會害死人

古代冇咁偽善, 會棄城 好似今日香港

再講, 如果真係一筆錢搞掂, 都應該係佢地問人借, 唔係靠外人白畀


非洲, 澳洲久不久大旱, 渴死牲口; 黃河古代經常氾濫

經濟學上應該點樣處理呢類週期性災害?

兩個方法 :
1. 取消定居, 改為遊牧
2. 人工調節

例如南澳洲 Goyder's Line 以北, 唔好將地皮劃到咁細咁散, 而係統一業權, 一間公司經營草場, 幾十萬平方公里; 牧民唔需要買地, 只要每月按牲口數目繳費, 逐水草遷移. 可遷移情況之下, 動物自動走向較茂盛草地, 以及草場調節收費及管理, 較少 overgrazing. 類似蒙古遊牧或者非洲大遷徙.

黃河經常氾濫, 應該搬到高地居住 (山城), 沿河只作耕種, 居於陸上艇屋, 雨季撤離返山區. 類似古埃及尼羅河氾濫.

當然亦可以築水壩、人工湖儲水, 但要地理配合. 亦可以兩者混合, 遊牧之餘, 特定地點製造人工綠洲、補給站, 以免遷徙途中斷水斷糧. 現代資訊發達, 可以提供最佳遷移路線.


更簡單, 係徹底野放牛羊, 徵費打獵. 場主仍然要做防疫除蟲, 水土管理, 數量統計等等.

最複雜係由專業投資者衡量風險 (基於氣候, 生態, 動物疾病學, 市場需求等等), 製作衍生工具; 牧民畀錢做對沖, 買個保險.