岩岩俾人捉完
開頭以為係啲支持環保既campaign啦
簽緊名果陣條友就講下啲環保資訊啊,係邊度做過啲咩啊
忽然間佢插句「先生你有冇信用卡啊?」
我果時仲未為意,跟住佢又同我講多五分鐘
話咩自己係獨立機構,唔接受政府同財團捐款,又問我對環保既睇法乜乜乜
我心諗你唔係攞簽名咩,洗唔洗講咁多野啊,簽完咪俾我走囉
之後就入正題啦,話咩我地而家好需要你既支持啊,可唔可以月供XXX啊?
我本身都支持環保既,諗住放低20蚊走人啦
點知佢又話唔接受一次性捐款,同埋又講一大輪野啦,最後又問多次年月唔月供?)
之後頂唔順講左句「唔好意思趕時間」先走到
後來上網search返先知道佢地係外判黎
捐左既話佢地係有得抽拥,同埋會俾人捽數(唔怪得知係咁chur我啦 )
最後係度提醒大家「騙徒手法 層出不窮」