http://video.appledaily.com.hk/mcp/encode/2017/05/21/3351317/20170522_Vsub781newAD_clean_w.mp4


額頭頂到地鐵橫柱，風口吹住頭頂，都慣了。

傳說中，網上有個《最受女生歡迎身高排行榜》，你以為越高越好，但最受歡迎的亞洲男生身高是178cm，180cm及183cm只排第二及第六名，而天賦異稟的190cm，則排第八。身高195cm的霍俊邦（霍哥哥），身高萌冇佢份，連榜都上唔到，他握拳嘆謂︰「吸引不到女仔的。我單身一年了！」擰向鏡頭，氣聚丹田吼︰「單身成年了啦!」

霍哥哥送給185cm以上高佬的說話，跟女生說話和交往Do's and Don't，有以下兩句（珍惜生命，定必剪存）︰

「一定要盯着對方眉心。」
人潮中，女生總愛一副Bling Bling眼向他問路︰「前面有乜睇呀？做乜咁塞人呀？兩條街後有冇xx店呀？」其他男生就一副「得米樣」︰「喂……你……睇到好多嘢啦？吖？」對此他一口氣澄清︰「我會好注意自己的眼神，因為好易被當成變態佬㗎！只要眼神微微低一點……」頓咗兩秒，突然細聲說︰「係睇到㗎!所以盡量都唔想俾人有呢種誤解。」唉！好陰公咁。

拿手機時一係要90度垂直，一係要放低180度水平式看，仲要唔好亂笑，否則女生往上看時，個低炒45度角，加上那對二撇雞，為純真的笑添了幾分猥瑣，肯定鬧你?嘢。

「我做唔到壁咚。」
動漫畫日韓劇必殺技壁咚，霍哥哥的高度，應更有氣勢。但胳肋底離地近150cm的他，壁咚我們151cm的同事Amy無效，Amy輕易逃出圍困。「我諗過，要學洪金寶紮個低馬先得！」

霍哥哥是粉絲三萬的澳門網紅，拍片揭露「高人」的限制與憂鬱，令我等150cm哈比人心情暢快。念中二時他已身高185cm，打籃球受歡迎，行街撞招牌、逼人時聞人頭頂臭都算，處處被誤會才陰公︰「啲人覺得高大就一定好打得。」同學打架，老師總會同時「扣押」這粒高大花生友。到他犯事站在講台「示眾」時，企低兩級樓級都比台上訓導主任高，「係威係勢」咁，啲人話︰「佢冇悔意。」欲哭無淚。出來工作，「拜山最辛苦，乜都畀我搬，燒衣紙都一定係我（謎）。出來做嘢，公司換水換燈泡都係搵我，矮我少少嗰個同事好得閒呀！」

自己營造的戇直毒男形象，但眼尾笑紋與欷歔的二撇雞，為他的笑添幾分猥瑣。他本在酒店做管家，心思細密且觀察力敏銳，客人「郁吓手指尾都估到佢想點」。但工作與拍片實在太難兼顧了。他愛講爛gag，講夠20個有一個逗到人笑已是爽，於是毅然辭職，再全職度橋才是美事。

他兼職做模特兒及拳手，平時在澳門街頭觀察小事度橋。9秒短片睇得好爽？「劇本唔係嘭一聲咁爆出來。有時諗個框諗好耐，微調，再搵好多人配合先拍到呀！三四十秒畫面要剪四五小時。班同事唔笑我真係會從頭剪過的。」經理人Jacky︰「網上有好多拍短片嘅公司，但澳門唔多，想透過拍短片得到更多工作，就要更努力拍更多好睇嘅片。」現在霍哥哥的收入是短片公司「微辣」給他月薪，他隔兩三日就出條短片，宗旨是出得幾多得幾多，「收入都算穩定的，希望再高啲啦！」心靈滿足都要銀包滿足呀！


香港好多嘢都比澳門迷你，最新款的巴士已經比舊式巴士樓底高，他上二樓依然頂到上膊頭，總得側頭縮膊。


面對151cm高的Amy，壁咚係唔work的。


一般的廁所薄牆同門，根本攔不住他。幫你拿紙巾，但同時睇晒你春光。


同人傾偈，會自然地側頭扭肩彎腰，等對方舒服點，但有時傾超過半個鐘，佢話︰「條頸同腰真係好辛苦。」


米九身材感覺確係爽，最近努力操fit，迎戰10月拳賽與再做model。

Facebook：霍哥哥Jeffrey Fok、微辣Manner

記者：陳慧敏
攝影：張志孟
編輯：譚寶君
美術：孔文彬

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
150 cm 即係幾高