第一次post, 見大家到第三者討論有興趣所以想分享我經歷同睇法。幾長，純粹個人感受，可能偏頗，請見諒。

係咁既...我係明知對方有老婆（佢地結婚一年未夠...我係有去婚禮的）既情況下同呢個男人開始左發展。一路都識呢個男人，工作關係only，完全冇野，唔friend。佢結婚大半年有一次的聚會中再遇，有一下click左，佢之後開始whatsapp我，傾下傾下就一齊左lu... 其實我地真係好夾，又知大家諗咩。我一向灑脫，唔麻煩，獨立，有信心handle呢個出黎玩既人。佢係鐘意我，好想咩都照顧我。我地既共識係..我會繼續搵真愛，講真佢係唔會阻到我因我冇諗過同佢有將來，佢亦話自己只係我既水泡，事實改變唔到，大家活在當下，一齊既時候開心就得。我地對大家既了解三言兩語解釋唔到咁多，總之唔洗講都知道對方心思。

一齊左4個幾月，相處係好開心，但我時常反思呢段關係如果被發現所帶來既後果，係我地不能承受的，影響到佢地既婚姻係我地大家都唔想，玩唔起就唔好玩。所以有一次鬧交之中我決定分開。

Anyway，作為過來人，我想講做第三者係極冇謂：

1. 冇論你幾灑脫，同冇期望將來，你地相處中一定有一的地方令你覺得難受，一次算，兩次可以唔記得，咁十次呢？長久以黎只會令自己諗埋一邊，想出現的諗法有： 我係咪咁唔重要？佢老婆有咩好？佢係咪講大話呢？佢同老婆做緊咩呢？仲之少少事都會諗起佢老婆。見佢老婆係佢fb post or comment 都心upup. 長期做後備感覺唔好受，要佢得閒有機會先搵你...仲之你永遠唔係最重要。

只會令自己難過...何必呢

2. 被人發現效果你能夠承擔嗎？我講多次，玩唔起唔好玩。如果有一日俾人發現，點知佢老婆會點...分分鐘俾人起底..post 相...身敗名裂呀！而感情上，佢就要一刀切，仿佛之前既我愛你都doesn't mean anything... 當你未泥足深陷時離開吧。

3. 佢喜歡你可能只因你不同，新鮮。我呢..因為我好active，好多野都會試。而佢老婆只愛shopping 同打麻雀...加上佢地一齊左咁多年...依家都三十幾歲，想有新鮮感都難....可能其實我先係佢鐘意果type la..不過佢結婚前遇唔到，依家冇架喇wo。結得婚就係要give up d 野...由頭到尾其實只不過佢俾人利用...請諗清楚人地當你係乜

所以，希望所有第三者...唔好再做第三者喇，委屈自己，影響人地。人地結得婚相信都係諗過要同對方同皆白首，就放過佢地啦，有子女的更加要放過。

你可以話你唔出現佢地關係都唔好，個男人都唔愛佢老婆，唔係點會偷食...呢個諗法錯哂...
1. 婚姻不只在於愛唔愛，冇感情既婚姻都唔應該由你破壞
2. 事實你依家出現左，一定係有影響，鬼知如果你唔出現人地點，可能其實好好，唔好既話冇第三者都會離婚，但人地又冇離婚口wo...咁即係佢地仲ok la.
3. 呢⋯⋯其實對好多人黎講結婚可能只係 the right person at the right time.... 唔一定話同到最愛既人結婚，所以其實佢婚後遇到更鐘意既人都係正常... 但如果遇到更鐘意既就偷食...就好衰囉...好應該控制下，唔係道德倫理何在？婚姻契約意義又何在？一隻手掌拍唔響，被有婦之夫睇中最好有咁遠走咁遠喇。

這是屬於別人的幸福，請到別處尋找自己的幸福，加油。

做人老婆既...加油...令老公keep住鐘意你..

做第三者但人地未結婚，我未試過，但覺得主要係...要清楚個男仔當你係乜。如果真的喜歡你必然會立刻飛左條女同你一齊，所以唔明點解會有人係咁...唔好同我講你唔期望有將來...人地未結婚點解你唔期望先....？唔飛條女可能有苦衷既，試舉例說明，想睇吓大家有聽過咩藉口。咁總之如果佢唔飛條女，無論咩原因都好，冇結果你都應該分開，唔好哂時間！

http://www.beautyexchange.com.hk/forum.php?mod=viewthread&tid=613018