http://video.appledaily.com.hk/mcp/encode/2017/05/24/3353671/20170525_Vsub811newAD_clean_w.mp4


每逢大雨，總有水浸車至死火的相片瘋傳，咁究竟保險有冇得賠？

好大雨呀！路都睇唔到呀！一個唔好彩，浸埋！死火！咁究竟部車喺街度浸咗，有冇得賠呢？答案係有嘅！大部份保險條款都冇講明黑雨或者打風揸車冇得賠，不過大前提係你要買咗汽車全保。


至於停車場水浸，租客車主都可以嘗試追究管理公司。


國際專業保險諮詢協會會長羅少雄


教車師傅唐贊強

其次，還要留意其中一點，國際專業保險諮詢協會會長羅少雄：「汽車保險有一項條款列得很清楚是『你要盡量避免意外的發生』。」至於點樣叫做有冇盡量避免，咁就當然按不同個案判定啦。至於另一張被網民瘋傳相片就是停車場防煙門的黃河決堤相，有傳係康怡花園停車場，攞車時見到部車游緊水，停車場又會唔會賠呢？羅少雄解釋：「若然水浸，停車場方面係要有適當措施通知客戶車主點樣處理，否則買了綜合保（俗稱全保）的車主可以向保險公司索償。如果是買了第三保，只能向停車場管理公司追究有關責任。」至於Wilson停車場則回覆，他們雖然已列明免責條款，但客戶都有權向他們追討，不過他們會交給停車場所屬保險公司，按個別例子處理。

做車主，又點會想浸死部車，咁見到大水氹又應該點做呢？教車師傅唐贊強：「重點係慢駛及均速，切勿以高速衝過水氹。經過水氹時，可能會整濕煞車系統及逼力皮，因此影響煞車性能。所以離遠見到水氹一定不能加速，有需要時減速保持距離，再觀察當時的路面闊度及其他車輛，盡量駛離水氹喺外圍駛過。」若然唔得，記得要降低車速去到最慢小心駛過。唐師傅補充：「因為水氹高度高過死氣喉的時候，當收油減速，死氣喉的引力會造成回流令水吸入引擎內，就會造成死火。」

記者：許維雅

2017果籽繼續認真知味。識買惜用。行以求知。好事多為。重修舊好。
緊貼果籽報道，即like：http://fb.me/AS.AppleDaily

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
原來要慢駛，但過個事唔可以收油，真唔知