歡迎大家又再一次tune-in收睇十二夜觀膠登。應kIn之約，今日想同大家講吓今次GS之戰
(Battle of Genzo & Schrödinger)。咁我就略略同大家講吓雙方嘅主張先。Genzo派嘅主張比較統一，就係因為支那文化侵襲香港嘅情況日益嚴重，作為香港唯一一個真正反共嘅網上討論區，理應完全禁用殘體字，守住呢條最後嘅防線。亦因為咁，導致Genzo發動對薛丁格嘅封鎖公投。一石激起千層浪，引發咗GS之戰。當然，大家可能亦都知道，或者有聽聞過，殘體字本身係包含咗一啲中文嘅異體字。而呢個特性，亦都成為咗薛丁格反駁異體字唔應該被視為殘體字嘅理據。不過同Genzo派唔同，薛丁格派嘅主張其實並唔統一，例如太空八婆亦都喺其中一個戰場裏面，表示少少嘅殘體字根本不足為懼，因為對膠登大多數人並無影響。

Genzo派嘅主張我可以理解。好人好姐香港人，點解要用殘體字呢？

而薛丁格嘅理據，當然亦都非常有力。

問題就係，薛丁格用呢啲同殘體字重疊嘅異體字嘅原因，係啲乜嘢呢？純粹想宣傳異體字？定係想增強大家對中文嘅了解？大家同埋薛丁格心裏面，自然存在住答案。冇錯，I am 誅心撚。

而Genzo既然明知道原因，喺膠登民意根本無可能被影響嘅情況之下，即刻動用封鎖公投，又係唔係誇張咗啲呢？

總括而言，今次嘅大戰發生嘅原因，其實非常無聊。而且亦都可以避免。

今次我就唔打咁多，總之大家自己諗下喇。