http://video.appledaily.com.hk/mcp/encode/2017/06/11/3366965/20170612_Vsub396NEWAD_clean_w.mp4


fb專頁「五天工作的煩惱」其中一位管理員十仔跟記者參觀公廁。

出街人有三急，唔想去公廁開大，乃人之常情，但要搵一個合適嘅靚廁所又的確唔易。上月中，有facebook專頁推介「十大屙屎必去商場廁所」，至今獲超過9,500人讚好、7,500次轉載，搵廁所必備！

「十大屙屎必去商場廁所」是十仔今年2月與另外幾位舊同事開設「五天工作的煩惱」facebook專頁的作品，專頁主要跟網民分享打工仔樂與怒，成員有男有女，他們深信屙屎也應該是打工仔的樂事。十仔說：「如果屙屎屙得開心啲，其實返工都會開心啲。呢個係一個私人時間，如果有一個設備好啲嘅廁所，你嘅私人時間自然會過得開心啲，我覺得呢樣嘢對香港人係好緊要。」他們花了近兩個月時間，到全港十八區尋找完美靚廁所，以設備、人流、衞生程度作準則，為廁所評分。具體來說，就是清潔工會否長駐、清潔時間是密是疏、廁格夠不夠廁紙、商場人流與廁所數量的比例等等。

談到最難忘的靚廁所，十仔毫不猶疑答是Elements圓方的廁所，因為廁所外有雜誌架、擦鞋機、薄荷糖、水機，任擦任食任飲，「用完嗰種感覺係好完善好舒服嘅！」而另一印象深刻的廁所位於屯門V city，「女廁有多達34個廁格，仲有埋液晶螢幕話你知有幾多格用咗、有幾多位。」至於十大推介以外的廁所，十仔就指ifc及利園都不錯，清潔程度滿分。

他們心目中的靚廁都來自商場，仲昇華到要有埋售後服務，不過急起上嚟，真係唔理好醜，最緊要就手，乜廁都要狗衝。十仔對政府公廁的印象麻麻，「我唔記得咗邊個公廁喇，但係就所有廁格都唔用得嘅，有啲壞咗，有啲可能入面有好多嘢，你都唔會想用。」最近經常出入靚廁所的十仔，能否擺脫公廁的陰影呢？記者立即帶他參觀旺角其中兩個公廁，分別是新寶戲院外的洗衣街花園公廁，以及砵蘭街公廁。


「十大屙屎必去商場廁所」獲逾9,500人讚好、超過7,500次轉載。


十大必去商場廁所遍佈港九新界，由十仔與另外幾位男女admin親自發掘。

十仔認為，洗衣街衣園公廁的衞生程度「真係唔係咁好」，紙巾積水一地都係，有個內設嬰兒座椅的廁格，不過都相信使用率唔慌高。雖然如此，但比起他去過的公廁，他認為這個公廁本身人流較多，整體來說尚可接受。

至於砵蘭街公廁，傳聞入面經常有癮君子聚集，地上佈滿針筒。十仔參觀完就話唔多覺有，「可能朝早都洗晒清潔晒」，不過都唔推介大家夜晚用呢個公廁，「朝早我覺得都可以嘅，如果夜媽媽行入去呢條咁黑暗嘅巷仔，有生命危險都似呀！」

參觀過後，十仔對公廁重拾信心，「我覺得大部份人都有公德心同清潔意識，唔會話特登整污糟個廁所。」他希望，十大靚廁所人流不會急劇增加，「令到成個廁所變成十大最污糟廁所，呢個我地最唔想見到。」還希望大家每次如廁過後都跟清潔工友說聲多謝，「因為佢哋都係好努力咁維持清潔。」

記者：李煒汯
攝影：徐振國、李煒汯

2017果籽繼續認真知味。識買惜用。行以求知。好事多為。重修舊好。
緊貼果籽報道，即like：http://fb.me/AS.AppleDaily
[/url]

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
中國人既廁所