古語有云，一次不忠，百次不用，就係講緊一對戀人任何一方如果出軌偷食，就永遠唔會得到人再次相信。係嘅，古語就係咁講，但實際上呢？君不見幾多人嘅伴侶出軌一次又一次，偷食完一個又一個，照樣得到被原諒。然後大家可能會諗：「今次佢真係會改！」好傷心要喺度話一個事實畀大家知，係唔會架！

美國丹佛大學一個有關偷食嘅統計，發現曾經喺一段關係中偷食嘅人，會再偷食嘅機會，就比平常人高出足足3.7倍！負責嘅人員指，要忠貞，講嘅係要令自己保持專一，不作出偷食行為，要抑壓呢個欲望，就要靠人嘅內疚及不安感，即係話你明知你偷食就會對唔住另一半，之後就一定會長期感到內疚同個心唔舒服。但原來一經第一次偷食後，所有內疚及不安感會即時大大減低，換言之再偷食嘅機會係有所增加！

其實都唔使講朋友，打開報紙娛樂版，大家都見到好多賤男藝人，偷食當等閒，但老婆、女朋友又會選揀原諒，然後對方又再次偷食，無限輪迴～

https://hk.style.yahoo.com/有數計-偷食過嘅人-重犯機會多3-7倍-1707972246822966.html