單身人士好多人都希望有機會有桃花，有啲甚至迷信到無所不用其極，只有係有極會都會搏一搏，如果閣下係咁絕望嘅話，不妨留意下呢招喎！

根據美國交友網站做嘅調查統計，針對5千位單身男女，再睇下佢哋用咩種類嘅電話，200幾條有關電話嘅問題，再望下佢哋過去一年有否同人First Date過。結果發現，有49%用iPhone嘅單身人士，過去一年曾經有機會同人約會，其次係用Window Phone嘅人，有46%；再落係Android用戶，44%，排最後就係Blackberry用戶，只有42%。

調查指，男女對於用iPhone嘅用戶印象偏向時尚，亦代表有經濟基礎；相反用Android就明顯比下去，真係太現實喇！至於排最後嘅Blackberry用戶呢，雖然經濟能力好似好好，但感覺太老成同核板喇。

https://hk.style.yahoo.com/有數計用iphone容易招桃花-071233427.html