細個睇笑傲江湖
覺得令狐沖好瀟灑 唔怕死
獨孤九劍又型
不過 師父又出賣佢 小師妹又唔要佢
好慘
大個左經歷多左
就覺得感情唔可以勉強
人地小師妹當佢阿哥 佢自己一廂情願仲要活係自己既世界度sad 妒忌心又重
而且又鐘意搞事出鋒頭

睇番林平之 一個心地善良 抱打不平既靚仔
唔怕得罪人 真心去救人
全家比人害死哂 前路茫茫既佢
就好似我地咁 不得不向現實低頭
為生存 要對d社會人渣（木高峰）恭恭敬敬
以為自己搵到個好既棲息地
但係其實佢太純真 就好似初出茅廬既我地咁
最後都係睇唔清楚人性既醜惡（岳不群）

漸漸地開始唔信人

當見到林平之已經冇得選擇 要練切jer劍法..
最後大仇得報 但係又盲左對眼
到最後 因為社會已經逼到佢上絕路
連真心對佢既岳靈珊佢都唔信

到最後最後 仲比條葡萄拎鎖係西湖底等死...

真係好慘..林平之比令狐沖更善良
但係天意弄人 令佢走上絕路..