自從十多年前起，認識左某人之後，旅行對我黎講已經再無意義。

走馬看花嘅事，再多做都唔會真切明白當地嘅一事一物。

假如真正喜歡一個地方嘅話，就只有係呢個地方長往；否則係唔可能認識到呢度真正嘅文化，每一個呢度嘅人。

然而，我好清楚我所住嘅呢個城市唔會係我人生嘅終點站。因為有一個我更加喜愛嘅地方，而選擇死亡的話，我只會選擇嗰度。

所以我正身處於一個雖然屬於我，但同時唔係永恆地屬於我嘅地方。

終有一日我會離開呢度。

如果要強留係度，總有方法：我需要考慮嘅已經唔係文件、簽證等嘅問題。

而真正問題係，呢個城市對我黎講到底有幾重要，我係咪真心想繼續留係度？

由我選擇六親不認黎到呢個城市嘅一刻，我好肯定我嘅意志力已經無辦法支撐我返到香港長住。

同一時間我嘅身心亦無辦法容許我再次適應另一個異國嘅環境。

討厭選擇，因為每一次嘅選擇都代表要犠性另一個選項。

老實講，英國呢個地方對我黎講什麼都不是，我所喜歡嘅就只有樸茨茅夫；而我對成為英國人、英格蘭亦人毫無興趣。

可恨嘅係樸茨茅夫並唔係我心中嘅克羅地亞。

所以到底我嘅鍾意究竟係有幾鍾意？