2017年06月16日
【同魔術師撻著？】唔認有新戀情 36歲陸詩韻：了解中

3,501
建立時間 (HKT): 0616 13:09

適中字型
較大字型



單身咗一段時間嘅陸詩韻，今日有周刊報道話佢終於遇上Mr.Right，有指陸詩韻喺2014年演出舞台劇《千奇百解》，同舞台劇演員兼魔術師嘅高正安撻著，仲已經去到同居階段。報道仲話佢哋日前喺西貢拍拖撐枱腳，之後仲一齊返屋企！

陸詩韻今日接受《蘋果》訪問，佢話：「多謝關心，0依家係了解中，隨緣喇，工作至上！」問佢係咪諗住留番將來結婚先公開？ 佢繼續話：「隨緣喇！隨緣喇！我0依家想專注工作，嚟緊會有一個護膚品嘅新品牌會喺2個月後推出，做緊包裝及設計，品質測試等，仲有一個小小嘅showroom準備緊，但係我都冇放棄幕前，有時候都會去大陸登台演出，總之越忙越精神！」