啱啱睇到個巴打講依個問題 依個問題其實我諗咗好耐

由好細個既時候已經諗過類似問題 點解我會生存喺依個世界上？
點解我會喺依個身體上？ 透過依個身體俯視世界？
其實我會唔會係被洗咗腦 而我眼前所有野都係虛構出嚟嘅
目的就係困住我

慢慢大個就開始諗op你既問題 - 人生嘅意義係咩？
諗嘅觀點都同你差唔多
日日番工就係為咗生存 直到死為止
咁生存有咩意義？

人慢慢大 接觸社會 見過唔同人
有啲日日做餐死 就係為咗生存
有啲屋企有家底 好休閒咁樣生活

明白到依個世界係唔公平既
我開始明馬克思點解會諗出共產主義
但好可惜 人係貪心 最終失敗

點解人一定要跟住法則生存？ 個個都要過著一式一樣既生活？
我諗唔明

我好驚我第時踏足社會 會慢慢麻醉咗自己
變咗行屍走肉咁 日日毫無目的地生存下去