月娥上膠登四年了
起初一直與世無爭 不參與膠登事務
只專注叫春、開新POST和積極發言
由於討厭高登，所以當時管理員問大家意見，我是強烈反對紅人榜、酒膠及PM
因為當時覺得這類功能 正是高登5P化罪魁

這段時間膠登罵戰不斷
其實好多係小事
組媽一直唔參與
一來係我唔會24小時MON住膠登
二係覺得好無謂
與其反來反去 不如振興膠登

直至今日 我以上想法都無變過
四年過去 當然自己會成熟左 學到GE都多左 經歷一樣多左 而對膠登歸屬感亦一日比一日深
所以我由開叫春同時事帖為主
變成開多左唔同GE生活分享POST
又用自己對歷史 天氣 國際政治 娛樂圈等等認識 積極參與討論
甚至一齊玩內務長選舉

但正因為對膠登太上心
上次做內務長時，見到太多膠登人醜惡一面
原來膠登人係可以無緣無故針對一個人
只要你成為目標，做乜野都會係錯
當時被攻擊個會員叫「阿木」，俗稱晴天狗
無錯晴天狗係開好多假膠POST
但假膠係咪罪呢？POST無意義又係咪罪呢？
到底膠登本身又有幾多會員係有咁樣GE知識根底，可以暢談天文地理、歷史文化先？
當大部分膠登人其實都係低質，攻擊其他低質會員唔見得有咩意義

我覺得我無辦法說服自己一次又一次以莫需有原因
執行針對晴天狗同玫瑰花頭GE公投結果
所以我選擇唔再做內務長

其實由一開始選內務長
都只係諗住玩玩下
點知做左上去 先睇盡膠登人GE醜陋同唔理性

由果陣時開始 我走上鞭屍之路
因為我覺得反鞭屍唔合理
反鞭屍GE人一直拎唔到一個理由 點解鞭屍者就要禁言
如果話鞭屍影響版面 咁個禁言理由就係影響版面 妨礙其他會員閱讀 而唔係回舊POST
如果話鞭屍無意義 的確唔少回舊POST的回覆都係一粒表情符號 無乜意義
但係咪無意義就要禁言？乜膠登D POST原來好有意義？是日午餐好有意義？
而如果禁言係因為回舊POST無意義，咁係咪我回舊POST時討論下件事就得？

一個人有咁大轉變 總需要一D理由
而我GE原因 就係係做內務長短短個多月之間
睇到膠登人荒謬一面

近來我發現自己越來越多膠登人盲反
佢哋唔會睇我開左咩POST
亦唔會睇我有幾認真討論
因為「林鄭月娥 889」就係原罪 做乜野都係錯
係佢哋心目中 889就係一個臭西 所以無論我做乜 有咩長篇言論 都只會被視而不見

或者你會覺得 我係咎由自取
無錯 上膠登勿認真 我因為太認真 太在意膠登人點睇自己
所以會為負面言論唔開心
甚至會打咁長篇文發洩

以今時今日組媽的人氣
我相信自己只會負評一面倒
而且好快會動輒得咎 做乜都死 而且係「人地做就得，889做就唔得」
睇下個寫POSTCARD POST? 會員寫明信片比其他會員，竟然係清一色負評，真係好笑

但我係唔會離開
因為我相信 令討厭自己GE人最痛苦GE方法 莫過於不斷係佢哋面前篤眼篤鼻

我對膠登的感情 不比你們淺
要走 我唔會捨得
我亦唔會一一回覆負面評論
因為我唔係鍾意嗌霎GE人
有人支持我 我多謝你地 因為大家網上面萍水相逢 但你地都支持我 甚至聽我叫春
至於反對我GE無理甚至惡毒言論 我仲見得少咩？