http://hk.apple.nextmedia.com/enews/realtime/20130925/51758087

鄭俊弘今日出席金鐘舉行嘅東華三院活動，同場仲有溫家偉﹑黃長興以及港姐冠軍陳凱琳﹑亞軍蔡思貝﹑季軍劉佩玥及友誼小姐歐陽巧瑩，佢哋喺現場進行咗一個小型高球比賽，身為主席嘅賭王三太陳婉珍主持開球儀式。

喺《星夢傳奇》入咗五強嘅鄭俊弘，台慶亮燈嗰晚，會同埋其他參賽者表演，試過喺呢啲大騷扮樹葉嘅鄭俊弘話：「係呀，嗰晚有表演環節，有得表演真係好開心，我會好好珍惜！」

講到《星夢》喺下月13日嘅決賽，佢就話：「緊張呀，有叫朋友投票，我唔敢諗太多，專注入咗四強先。」揀歌方面，佢就話：「有好多朋友俾意見，要諗清楚，有啲人叫我自彈自唱英文歌，雖然係輕鬆啲，但係我又覺得用得太多，或者等我消化晒啲意見再決定。」

另外，港姐冠軍陳凱琳同亞軍蔡思貝就話自己成日做運動，蔡思貝仲話時間啱的話，想參加馬拉松，是非港姐歐陽巧瑩承認富貴男友俾人起咗底，不過佢想低調戀情。