踏入畢業季節，相信好多同學仔都開始搵工。但外國有個研究指出，有15個科目嘅失業率係最高，特別係排第一嘅藝術，失業率高達11.2%。而其他文科科目，例如歷史同心理學，失業率都係頭15位。如果你讀正呢類科目又唔使驚嘅，睇下專家點教你拆解啦！

其實好多腦細最驚就係畢業生無乜實際經驗，所以當你嘅學位唔可以幫你帶來優勢嘅時候，你就要建立自己嘅品牌。搵工除咗睇個學位，你嘅個人特點都好重要，以下三個步驟有助你搵出自己嘅價值：

認清自己嘅強項：要知道自己嘅強項係咩，你可以問下你嘅家人同朋友，你嘅專門強項係咩同點解佢哋覺得你又咁嘅強項。咁你就可以驗證一下人哋心中同你心中嘅強項有無分別啦！
將強項化做幫公司儲錢同賺錢嘅工具：做下research你可以點用你嘅強項影響一間公司。你可以用一啲網上自己評估嘅工具，幫你知道點幫公司增值，同話你知邊個崗位適合你！
整個履歷同LinkedIn話畀人知你嘅品牌：將你嘅成就同所有skills都列晒出嚟，愈多嘢寫出嚟，代表你愈多嘅資產，腦細見你嘅機會都會大增！Excel用到出神入化，當然要寫啦。

https://hk.finance.yahoo.com/news/讀埋啲乞食科-可以點搵工-024034442.html