http://video.appledaily.com.hk/mcp/encode/2017/07/18/3396255/20170719_sub992newAD_clean_w.mp4


CV想寫得精簡，搞到頭都大埋？專家教落有好多個人資料都可刪去。

CV只有兩個下場，一，降落垃圾筒，埋藏堆填區；二，降落你未來老闆張枱上面，受到注目禮。關鍵真的在於look and feel嗎？

美國總統Donald Trump個女Ivanka Trump早前教人寫CV，話只可用一頁紙，字體要有10pt，還有最重要唔好再用Times New Roman字款。資深人事顧問、職場專欄作家張慧敏（Alison，人稱Son姐）說：「嘥氣啦，老老實實，我想知佢有無搵過工，佢有機會請人嘅，但你信唔信佢會親自睇CV？我唔信。用乜字體唔使拘泥，將注意力集中喺內容啦。我認同字體大細唔可以小過10pt，睇唔清楚真係即丟。」佢認為係咪用一頁紙，取決於工作經驗及成就多寡，但強調初出茅廬年輕人要學習簡而精地突出自己條件。


Ivanka Trump早前教人寫CV，勸人不要用Times New Roman字款，認為稍欠美感。


在CV加入簡單圖表，可令有數據的成就更清楚易懂。

《果籽》搞咗一場「一擊職中」模擬面試，請來Son姐及金融公司CEO、前JP Morgan執行董事葉耘開（Cliff）評論三位求職者的CV及提供寫CV貼士。

很多人喜歡把相片放上CV，Son姐認為咁做會令人先入為主。Son姐謂：「根本無呢個必要，唔好畀人預先判定你係乜類型嘅人。」地址更加係唔寫好過寫。「你填屯門，對方可能覺得你會因塞車遲到；我見到應徵者住舊山頂道，會諗佢好有錢，我哋得嗰萬幾蚊人工，都係唔in啦！」有些資料，包括身份證號碼、婚姻狀況、性別等，都無必要寫，應利用呢啲位置寫突出到你嘅事項。Cliff認為求職者寫CV應該清楚列點，將同職位相符嘅條件勾出，令部門主管加深印象。另外他又提到如果同一份履歷，可同時發畀十間公司，呢份就唔係好CV。「因為太general太普通啦！應該為每間公司度身訂做一份合適CV。」他又建議利用簡單圖表突出自己在前公司的成就，更為一目了然。

Englishtown英語導師Robert認為不宜刻意喺CV用艱深字詞，否則顯得賣弄，建議用較直接易懂的句子，他又提醒寫過去工作經驗應用過去式，寫現在的工作則應用現在式。

記者：葉青霞

唔知Cover Letter啲英文寫得好唔好?免費幫你執靚佢
http://bit.ly/cv-proofread

對interview冇乜信心?嚟個免費模擬面試啦!
http://bit.ly/freemockinterview

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
用圖表，比 HR 屌過