http://video.appledaily.com.hk/mcp/encode/2017/07/19/3397280/20170720_sub993newAD_clean_w.mp4


裙太短，NG！裙長及膝，端莊得多。

「唔着嗰套黑色侍應衫，已經贏咗一半。」資深人事顧問、職場專欄作家Alison（人稱Son姐）一句，點出我哋嘅「一擊職中」見工真人騷參加者、應屆畢業生嘉寶的面試穿着問題。

話晒都係應徵Marketing& PR Officer，衣着顏色可以大膽少少嘅，黑沉沉，望落唔精神又悶蛋。禮儀導師及企業形象指導陳靜雯（May）說：「套裝顏色可以有啲改變，卡其色、藍色、灰色都係唔錯選擇，或者鮮色啲嘅top都得。」嘉寶仲犯咗個大忌，就係裙太短，坐低時縮得更短了。「裙應長及膝，或者唔短過膝上三吋，否則可能令面試主管尷尬。」太透太薄嘅恤衫肯定唔適合，宜選挺身質地上衣。至於手袋，簡單大方就夠，太花巧反而搶咗焦點。女仔髮型簡潔清爽為上，如果頭髮太長又遮面，不如乾脆紮起。May建議女仔見工化番個淡妝。唔慣化全妝，唇膏都要搽番少少。至於男仔，穿白色褲見工顯得太休閒。「換上灰、藍或黑色西褲就更穩重同專業，着運動襪一坐低即現形，細節都要留意。」

Son姐建議大家預早半個鐘去到面試地點附近，搵個洗手間執執儀容。「大汗嘅男仔搭車嗰陣可以着T恤，帶件摺都唔皺嘅恤衫去換，就可以清爽見工。」執好個look去見工，同面試官打招呼，都有可能鬧出笑話。Englishtown英語導師Robert提到很多人講：「It's a pleasure to meet you.」時，錯將「pleasure」讀成「pressure」，記緊練習好呀！


「一擊職中」見工真人騷三位參加者衣着都有要改善之處。


禮儀導師陳靜雯認為衣着細節能為應徵者加分。眼神堅定、表現從容淡定，可讓主管留下好印象。


Son姐認為提早15分鐘到達面試公司就夠，不宜早太多。

記者：葉青霞、羅祖兒

唔知Cover Letter啲英文寫得好唔好?免費幫你執靚佢
http://bit.ly/cv-proofread

對interview冇乜信心?嚟個免費模擬面試啦!
http://bit.ly/freemockinterview寫CV令人頭都大埋？原則係中point、簡潔、整齊，讓人一目了然，很多私人資料都可刪去。

2017果籽繼續認真知味。識買惜用。行以求知。好事多為。重修舊好。
緊貼果籽報道，即like：http://fb.me/AS.AppleDaily

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
短裙，點會大忌