http://video.appledaily.com.hk/mcp/encode/2017/07/21/3399163/20170722_sub995AD_clean_w.mp4


兩位面試官都表示如果職位係真，會願意畀機會 Nasper。

「你連manager都串錯，我覺得你應該走。」資深人事顧問、職場專欄作家張慧敏（Alison，人稱Son姐）發火叫我哋見工真人騷參賽者Nasper離開？

Nasper確係唔抵幫，寄求職信前肯定冇睇清楚。第一行「Dear hiring manager」，竟然串錯為「manger」，超低級錯誤，求職大忌也。英語程度麻麻的Nasper立即認錯，全程面對兩位面試官的猛烈攻勢，儘管英文表達能力有極大進步空間，但勝在夠從容。「我鍾意佢態度，錯就認，打就企定，認咗就無事啦！」

金融公司CEO、前JP Morgan執行董事葉耘開（Cliff）就讚：「佢英文唔好，但有盡力講，呢點係加分嘅。」Nasper回應：「對答上有時辭不達意，經過呢次面試，我認同我要增強番啲英文。」Nasper每次講自己強項時都有例子證明，而且真誠作答，表現成熟。Son姐跟Cliff異口同聲表示：「如果呢份工係真嘅，我會請佢。」整場面試Nasper常重覆面試官問題，讓自己有時間諗點答。Englishtown英語導師Robert另外亦建議：「你可以扮聽唔到對方問題，請佢重覆。」


Nasper在面試過程提及自己具創意，並舉了實例證明，令兩位面試官留下好印象。


不論面試表現如何，禮貌上也應寄送感謝信給面試主管。

面試本來就沒甚麼必勝心法，但一定一定一定要表現到志在必得。Son姐謂：「你要畀對方覺得你好鍾意份工，唔好扮唔在乎。」面試後發送簡單Thank you note，更加隨時令你贏份工返來。Son姐說：「多謝人哋時間，話希望可以再見到對方就夠，唔使長篇大論。我哋一日見咁多人，如果不相伯仲，點樣令人記得你呢？好多時就係一封簡單嘅感謝信。」一擊「職」中唔容易，不過即使失敗咗，虛心求教一樣有嘢落袋。Son姐就分享咗一個勵志故事。「人哋唔請佢，佢主動問番面試主管自己有乜不足。佢真係好鍾意份工，後來再申請，佢下苦功填補咗啲不足，嗰間公司最終真係請咗佢。」有心儀工作，磨利張刀，再接再厲，無話唔得嘅。

記者：葉青霞

唔知Cover Letter啲英文寫得好唔好?免費幫你執靚佢
http://bit.ly/cv-proofread

對interview冇乜信心?嚟個免費模擬面試啦!
http://bit.ly/freemockinterview
寫CV令人頭都大埋？原則係中point、簡潔、整齊，讓人一目了然，很多私人資料都可刪去。 [/url]

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
係咪呀