【李八方online】黑絲林鄭驚現少女風 紅裙配斜揹袋登場
0730 21:10


呢個黑絲少女風造型嘅林鄭，大家係咪好少見？黎樹雄攝

解放軍建軍90周年，有套應景電影上映，由寰亞電影拍嘅《建軍大業》今晚舉行首映禮，寰亞傳媒集團主席林建岳係經民聯金主，所以今次首映亦為經民聯籌款作會務之用。

套戲講建軍，咁政治正確，當然得到一眾建制重量級人馬撐場，兩個全國政協副主席董建華、梁振英都有現身，同場仲有中聯辦主任張曉明。特首林鄭月娥、三司同多名局長都畀面出席。

講明係首映，當然有唔少明星同場，但最「搶鏡」卻係林鄭，今晚佢捨棄旗袍，換上大紅色及膝裙配黑絲加對黑色高跟鞋，最出位係配上小手袋，仲要學似時下少女打斜揹，罕見硬朗形象以外嘅少女風，唔少賓客都眼前一亮。

林鄭同梁振英入場時，傳媒當舉機狂影，689無端端問在場一眾用數碼相機嘅攝記，啲菲林用完未？之後無答問題就進場。
http://hk.apple.nextmedia.com/realtime/news/20170730/57021814