大仔蹲舉破亞洲少年組紀錄翁嘉穗興奮：個心跳到甩咗

http://video.appledaily.com.hk/mcp/encode/2017/08/20/3422379/20170820_ent_902_w.mp4

97年港姐冠軍翁嘉穗同鄔友正嘅16歲長子Jason，今年4月喺「香港健力錦標賽」蹲舉以210kg成績破咗香港舊紀錄100kg，而喺卧推舉同硬舉方面，分別以102.5kg同200kg，破咗95kg同170kg舊紀錄，一舉成名。

原來Jason噚日參加「亞洲國際健力及臥推舉博覽錦標賽」，喺蹲舉同硬舉呢兩個項目中，分別以215公斤同225.5公斤破咗亞洲少年組紀錄，喺現場觀戰嘅翁嘉穗當然好開心好興奮啦。
翁嘉穗今日同《蘋果》話:「好開心啦，噚日個比賽係亞洲公開賽，好多亞洲國家參賽者，有啲係職業，有啲係學生，我都冇諗過、佢都冇諗過可以破到亞洲少年組紀錄。佢事前都好有信心嘅，我都覺得佢好有天份，我第一次睇晒全程，因為上一次佢比賽，我要去新加坡，所以睇唔晒。我喺現場都好緊張，佢哋公佈話如果呢一舉可以破亞洲紀錄，嗰一刻真係好興奮，我自己睇住，個心跳到甩咗咁滯。」