http://video.appledaily.com.hk/mcp/encode/2017/08/21/3423368/20170822_sub703NEWAD_w.mp4


楊瑾認為不用向小朋友刻意「灌輸」環保意識，身教才最重要。

「如果學校有一半人着舊校服，個小朋友就唔係標奇立異了。」育有一女的楊瑾說。舊時邊個唔係着家姐阿哥舊校服？不過?家人人生一個小朋友，物質又來得容易，大家毫無疑慮就會買新。既然有facebook大神，楊瑾試試求問，結果真的為9月入讀幼稚園的女兒梁楓徵收到冬夏校服和皮鞋。原先預留買校服的錢，她捐到環保組織。

你以為facebook大神有求必應？徵校服過程比楊瑾想像中難，她中間也想過放棄。「問學校有冇平台買到二手校服，學校答冇，我又唔識舊生家長，惟有喺facebook徵求，呃咗百幾個like後就沉底，冇消息。」楊瑾的朋友為她廣傳，但香港幼稚園何其多，配對不易。「有朋友建議我去Baby Kingdom問，可惜網站沒有女女就讀學校的平台，也曾post到facebook上的『二手校服買賣/捐贈站』，屋企附近嘅馬鞍山、沙田區page，結果幾個星期都冇回音。」

為鼓勵家長把校服捐出，她特別聲明會把原本用來買校服的錢，捐到環保組織「綠惜地球」。「讓大家有推動力，覺得值得，也讓不太接受二手衫的長輩明白，我唔係想慳錢，而係想為環保出力。」一件校服，得來不易，由種棉花計起，消耗了多少資源、造成多少污染？大家一向選擇無視這些，都太習慣買新的。楊瑾說：「由女女出世到?家，幾乎冇買過衫畀佢。有人送玩具畀佢，我要佢送番一件出去，等佢知物品有價值，唔可以隨便丟。」


她徵到的夏季校服裙是加大碼，幸女女算高大，修改一下，還算合身。


書包有點破舊，用一段時間可能要買新的。


徵來的夏季與冬季校服，包括多件外套及皮鞋狀態良好。

最好學校推動　家長會願意參與
誠徵了近一個月，終於有家長聯絡說可以送出校服。「同女女一齊去攞校服，我同佢講校服係姐姐畀佢，佢好開心。我哋仲買咗啲生果同餅回禮，我覺得呢個經驗係有回憶嘅。」楊瑾也形象化地向佢解釋捐錢到環保組織的舉動。「佢當然唔會知乜嘢係組織。佢好鍾意bear bear熊，我就同佢講我哋捐錢畀幫bear bear熊嘅人，等bear bear熊名可以繼續喺北極生活。」

舊衣保存得怎樣企理，都可能給看出是舊的，問她有否擔心童言無忌，女女會被語言傷害？「鍾唔鍾意一樣嘢好受大人影響，就睇你點樣同佢講，你話二手物品好好，有感情，佢一樣會咁諗。」

楊瑾認為學校是最好的平台，協助舊生捐出校服予新生。「有官方推動力，家長會願意參與，目的係環保惜物，一定唔會有家長反對。」她也希望沒必要的話，學校不要經常更改校服款式，造成不必要浪費。


群組的二手校服相片看來簇新，大部份一百幾十有交易，也有家長免費送出。


楊瑾表明徵得校服，會把買校服錢捐出。她最後捐出$800予「綠惜地球」。


送出校服的朱詩懿（右）小朋友。

記者：葉青霞
攝影：伍慶泉
（部份圖片由受訪者提供）
編輯：郭芝諺
美術：利英豪

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
其實有乜特別