http://hk.apple.nextmedia.com/realtime/sports/20170825/57122637

麥基格同美韋達呢場世紀大戰，香港時間周日朝九點就上演，我地搵嚟兩位格鬥界猛人，先同大家分析一下兩邊拳手。

向柏榮話：「美韋達他是完美閃避的王者，很少拳手可以打中他，他閃避技術很高超 和打反撃戰；麥基格很多時是等對手過來再反撃去打，變了如果他想主動進攻，我覺得未必這麼容易打到美韋達。」

曹星如指美韋達本身玩西洋拳這個遊戲，已經是純熟到「屈機」玩這個遊戲的技巧，所以他覺得美韋達贏。他說「不是說麥基格不厲害，只不過西洋拳不是他專長，要打贏49連勝的世界級拳王就難一點。」
一個就MMA 21勝18 K.O.，另一個就Boxing 不敗49連勝，到底今場邊個會佔優呢。

雖然麥基格喺身型上有優勢，不過外界普遍都睇好打開Boxing嘅美韋達，贏面大過打MMA嘅麥基格。向柏榮指麥基格可能會不小心想出踢腿或想做一些貼身纏鬥的動作，不免會有點習慣MMA。

不過出名囂嘅麥基格當然唔會咁易認輸，佢仲話：「我準備好和他大戰12回合，但我也準備好10秒就K.O.他，如果我做到我不會驚訝。」想知最後真係經驗取勝定係身型同年紀話事，記得唔好錯過呢場世紀大戰喇！