http://video.appledaily.com.hk/mcp/encode/2017/09/03/3433175/20170904_sub162newAD_clean_w.mp4


尖沙嘴五礦大廈並沒有車用電梯，車行陳列室二樓的車如何出入呢？

星期日無節目，很多人都喜歡去車行showroom涼冷氣睇新車，車就睇得多，咁究竟陳列室點入車呢？大部份陳列室都有車用升降機，不過凡事總有例外，好似尖沙嘴五礦大廈Audi陳列室就無車用升降機。Audi陳列室樓高三層，而二樓同樣擺放很多車，睇勻二樓全層，都唔似有地方可以將車駛入。

秘密就在二樓盡頭一道門，這後門門後有一個斜台，斜台通道出口是天文台道大街。因為五礦大廈旁邊的天文台道是一條斜路，所以大廈背面出口會較高，配合如兩條路軌般的斜台，就勉強變成了二樓汽車出入口。用秘道往往是陳列室換展示車之時，師傅Ben哥就需要晚上收舖後換車喇，今次終於有機會見證這換車大任務，擺放了八部車的二樓長走廊需要換走五部車，如何能最有效率及最短時間換走五部車呢，是時候大開眼界。


師傅Ben哥於極窄環境換車，不停要伸頭出車窗睇位。


天文台道是斜路，大廈背面出口較高，配合如兩條路軌般的斜台，就成了二樓汽車入口。


由於R8車身太過低矮，所以無法使用斜台，要出動拖車尾板幫手接駁斜台運車。

Ben哥先將近出口幾部車向後退，再偷位於第一行放三部車，務求令showroom騰出空間。為遷就車身不同尺碼，看見他將車左攝右攝，位置不好又再調過，車與車之間只剩一呎，真的少點功夫也搞唔掂，莫講要駕駛，連睇也令人覺得膽戰心驚。調來調去一小時，終於成功駛走一部車，揸番廠再換另一部回來。每次新車回來，他都像玩俄羅斯方塊一樣，因為要不停調來掉調的同時，也要跟陳列室的新車排陣擺位。期間，有一部車用唔到斜台，它正是車身太低矮的R8。最後Ben哥要拆走一半斜台，出動秘密武器幫手，無錯，就是拖車喇。拖車師傅將車尾板接駁斜台，Ben哥就要倒後R8駛上拖車台，由於出口前方是一個暗彎，要將如此闊的R8駛上拖車台，真係比玩跳樓機更恐怖。

記者：許維雅
攝影：蕭志南

2017果籽繼續認真知味。識買惜用。行以求知。好事多為。重修舊好。
緊貼果籽報道，即like：http://fb.me/AS.AppleDaily
[/url]

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
咁好技術