http://video.appledaily.com.hk/mcp/encode/2017/09/04/3433858/20170905_sub230newAD_w.mp4


夜班巡更，最恐怖不是撞到嘢，而是住客不停投訴卻有口難言。

「我現在講個鬼古，這鬼古是真人真事……」言是我迫Gary講的嚇人開場白。Gary做了十年夜更保安，每晚11至7，主要巡邏私人住宅，剛入行時連醫院夜更替工都做過。他說自己「靈感」挺強的，「有次在靈堂，腦裏總是看到先人，在靈堂裏好精神跑來跑去的畫面。」然而入行過程不容易，拖拖拉拉，已是十年。


夜班工作的各位都有共識，袋定平安符或手機下載定幾條經文定驚。

晚上巡邏，都有個避談的共識，「有些單位可能掛過臘鴨（吊頸）、笨豬跳（跳樓）的，巡更同事到那邊，有時都會打冷震，始終想起嘛。」但遇到甚麼怪聲怪事，一般都專心工作，盡快撤退。年輕時守醫院尤甚：「你知我講邊啲啦，認屍，辦手續的地方，周時有同事看到一排人踎在門口。大家心中有數，當看不到。」唔講嘢先係最好，等陣佢同你哭訴，都唔知點算。「或多或少，大家都會戴個佛牌、背首經文、手機下載定些佛像。半夜突然毛管戙、後頸凍或者覺得有人跟住，都可係『撞』到佢哋喇，就將下載定的經文放出嚟聽囉。」


Gary發現原來自己「靈感」挺強，「有次在靈堂，腦裏總是看到先人不知自己已逝，在靈堂裏好精神跑來跑去的畫面。」

電影中那些對講機失靈、接通唔知乜嘢頻道、閉路電視看到?裏怪畫面、巡更巡到異度空間等等劇情，佢統統沒試過，倒是住客Call他們左查右查，成晚上上落落，又查不出的事就多不勝數。如有住客投訴樓上住戶敲地板，冇覺好瞓，「但樓上明明係防火層，閉路電視又唔見有人，幾個保安行上行落，連遠處的水箱與泵房都Check埋都無所獲，呀，正確是只在兩個凡人免進的泵房，發現香爐同聖經各一，住客不停Call，嫌你無做嘢，有口難言才最煩。」

最恐怖的那次，係咁的──半夜住戶投訴有個少女坐在走廊盡頭低頭飲泣，泣了兩個幾鐘，怕她尋短就搵保安擺平。但Gary上落兩次，連樓上樓下幾層都查看過了，鬼影都無。第三次，住客嬲爆爆出來指住牆角鬧Gary：「唔係呀嘛！咁大個人踎喺度喊你都睇唔到！妹妹，你怎麼……」Gary面都青，調頭就用對講機找支援跑番落樓。「嗰次真係驚，都唔知個住客係傻定係鬼，定係有鬼我睇唔到，唔知可以點做。後來見番個住客，住客才說女孩在他面前突然消失了，他都大病一場，對當晚鬧保安員好抱歉……」

周時被嚇，疑神疑鬼，但他沒想過轉做日班，一來慣了，二來貪圖夜班生活夠安靜：「做嘢箒，我跟那些界別的朋友完全沒關係。又不是干犯他們，也沒做過傷天害理的事，怕甚麼。」都係嗰句，人仲得人驚！特別是近年四百至七百萬左右的新屋苑，好多掹掹緊、夾硬來的半豪宅盤的住客才最麻煩：「可能工作或生活壓力都太大，愛投訴，有事要你立即擺平，或懷疑你無做。好難搞啊！」講咗成晚鬼古，心情神態都平淡自然的他終於有啲激動，所謂「未能事人，焉能侍鬼」，係真嘅。

記者：陳慧敏
攝影：蕭志南、許先煜

2017果籽繼續認真知味。識買惜用。行以求知。好事多為。重修舊好。
緊貼果籽報道，即like：http://fb.me/AS.AppleDaily

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
嚇到賴