俗語有云「男人愛高達，女人唔明白」，根據非正式統計，10個男人最少有7個都愛高達，無論是限量版或普通版模型，都會「有得儲就儲」。近日一名媽媽日前於網上平台售賣丈夫13盒珍藏高達模型，更「賤賣」40元一盒，稱「要放BB野(野)，無位再放模型，老公割愛出售」，更以超低價每件40元，全部13盒500元出售。

其後疑似老公今午一時許留言，稱「大家討論得咁激架，我地（哋）係兩公婆討論後贊成賣的」。

網民紛紛替其丈夫不值，「點止500咁小(少)呀，放得太平了」、「一盒都唔止500， 係咪500蚊係個盒，唔包入面既模形(型)？」、「呢幾盒野加埋頂多咪同一包尿片佔的位差唔多……又唔見得果幾吋位有幾緊急喎」，甚至質疑丈夫是「被自願」，「咁既(嘅)標題咁既(嘅)價位，被商討被自願咋下話...」。

亦有網民認為不應該規管男人的興趣，更稱會義氣買下再原價賣回予該丈夫，「全要，等你老公揾到位裝時再嚟贖返」、「師兄賣左(咗)未，未既(嘅)我要！到你屋企有位原價俾返你！」


https://hk.news.yahoo.com/男人最痛-40元-賤賣-老公珍藏高達-妻-要擺bb野-053400742.html