如果你聽到痛車仲會問點解架車會痛呢？相信閣下應該唔係動漫迷；痛車源自日本，即是將車身貼或噴上動漫人物、圖案。土地問題、交通問題，香港痛車不多，但卻有一班痛單車愛好者，痛單車即「痛チャリ」，就是把動漫角色印於車身的單車，進階者更會穿上近年日本狂出的動漫角色單車緊身衣。據俄國戲劇理論大師史坦尼斯拉夫斯基嘅講法，痛嚟講呢，應該係由外到內，再由內去返外嘅。

痛車為甚麼叫痛車，網上搵過資料，係「見ていて痛々しい車」的簡稱，「痛」在日文中有「不能直視，讓別人看到會非常丟臉」的意思，御宅族將自己興趣暴露人前就會感到「痛」。另一說法就係因為花費好多錢去改車，所以肉痛。前者應該可信一點。

說回痛單車，香港有個群組叫「香港痛車同萌」，就是在這裏找到他們這一班痛單車玩家，當中的Alan，更剛去日本參加一場「GSR CUP CYCLE RACE」比賽，GSR即是Good Smile Racing，動漫加上賽車，原來還有單車賽，而這個比賽，就有大量痛單車參加。

出戰8圈賽　得第35名
「其實唔係一定要痛單車先可以參加，不過呢個比賽可以畀參賽者加上密封胎軨等裝飾，所以就有大量痛單車fans參賽。」Alan說的是9月9日剛在日本千葉縣「袖ヶ浦フォレストレースウェイ（Sodegaura Forest Raceway）」舉行的「第7回GSRカップフォトコン（GSR CUP CYCLE RACE）」單車比賽。「我玩嘅係8圈賽，最後只係得第35名。」不要以為痛單車比賽就比較業餘，Alan說參賽者質素都很高，「頭幾名都唔係痛單車嚟，而且我呢部係city bike，佢哋好多road bike，所以速度比較快，他們平均都有40km/h！」參賽沒想過為攞獎，「都係想參與吓，感受吓個氣氛，真係好開心。」Alan說要參賽不算困難，只要上網報名，之後付款便可，不過留意的是要在比賽日前帶自己的單車去當地的認可單車店驗車，取得驗車證才可以落場。

其實做痛單車專題前，也想做一個痛車專題，不過香港痛車好像不多，車主也好像沒有集合一起出車開群組，我以為是因為香港沒日本那麼多停車位，交通也太方便，未必一定要養車，所以很少痛車啦？群組創辦人之一的阿駒說原來還有一個理由：「其實我哋群組入面都有人玩痛車，不過玩得好低調，我諗都唔太想接受訪問，因為香港呢方面嘅條例比日本嚴，即係如果全架車貼晒動漫人物，車身顏色方面可能要申報，隨時被捉去驗車。」翻查資料，根據運輸署條例，車輛登記主色外，如其他顏色佔車輛不超過三分之一的面積，不算非法改裝，而且登記顏色有multi colour一選項。不過，都怕驗車會驗出其他麻煩吧？


群組還有一班愛玩細車「子彈仔」的年輕成員。他們說：「用呢啲『街車』嚟玩，有香港特色嘛！」


比賽當天除了有大量痛車，還有Cosplayer。


踩痛車遊動漫迷聖地，常常舉行Comiket的東京國際展示場。


Alan說他參加的8圈賽，有40多人同場鬥快，不是鬥痛。


阿成本身愛踩車，玩痛單車之後心態有甚麼不同？「更加錫部車囉！」

聚會傾偈影相　交流整車心得
志同道合自然啱傾，喜歡痛單車的，就是又喜歡ACG文化又喜歡踩單車，所以每次聚會都有說不完的話題。阿駒說：「2011年開始幾個朋友已經有玩痛單車，之後喺facebook開咗呢個群組，越聚越多人，原來香港一直有好多鍾意踩單車嘅動漫迷想整痛單車，但無從入手，所以一聚埋就開始玩。」另一位阿Sing說：「所以我哋群組置頂個post就係整痛單車嘅教學，之前好多人問。開頭玩都係要一手一腳DIY，整膠輪冚，再貼貼紙，當時未有咁多選擇，我哋有時會喺啲海報剪啲圖案貼上去。不過?家好多選擇，用碳纖軨嘅直情可以喺日本買到專用貼紙貼上去。如果簡單啲，可以自己搵圖案，再用電腦執靚張圖同啲字嘅擺位，網上搵人幫手印出嚟，喺淘寶約200蚊以下就搞掂。」相比以前只係踩單車約出車聚會，阿駒說現在反而少了踩車，「因為約出嚟都係傾偈、影相多，傾吓睇咗今季乜嘢新返動漫，又傾吓點整架車，反而好少一齊踩車由呢度去嗰度。仲有一樣唔同嘅，就係?家出車時，有時都會有人過嚟話你哋啲車好靚，之後就會問吓點整咁。」簡單總結，就是更有樂趣啦。


阿成全套裝備，由長沙灣踩入大埔和同好聚一聚！


Alan說在日本要攜單車搭列車，不像香港般只拆前輪便可，而是要拆去前後輪用袋裝好才可上車。


Alan身上這件初音單車衫，原來是他自己的作品，他說用了20幾小時畫好，再把圖傳到大陸製造，300元左右印了兩件。

萬元換碳軨　配動漫緊身衣
平有平玩，三兩百元已經可以將有愛的動漫女角放到車身。可能因為有點像迷偶像的感覺，所以無論日本、香港，痛車或痛單車，都以動漫女角為主，始終要很有愛才會不怕「痛」，今次拍攝的痛單車當中，就以《Love Live!》、《The Idolm@ster》、《初音未來》等作品為主。

不怕「痛」，還有很落本，「好多想部車更輕更專業嘅踩單車人士，都會換上碳纖軨，即是後輪密封嘅，不過最少都要五位數改裝費，未必個個捨得，呢個就捨得喇。」阿Sing指着另一位全身動漫裝備的阿成。阿成的愛車換上前後輪碳纖軨，合共花了過萬元，「其實比起啲專業級玩家，都已經唔算貴啦。換係想部車輕啲，咁將佢變做痛單車都方便啲嘅，搵貼紙貼上去就得。」阿成還有一身動畫角色緊身衣，「記得好似六、七百蚊左右，咁本身又鍾意踩車，又鍾意睇動畫，所以花啲錢喺呢啲興趣度都好正常嘅。」唔只出錢，還要出力，我好奇一問，群組內都是大埔友？阿成說：「我住長沙灣，佢哋聚會多數喺大埔，我就由長沙灣踩入嚟囉，都唔係好耐，大約半個鐘。」
雖然天氣還是很熱，但很快就會迎接秋天這個踩車好季節，想加入痛單車玩家行列，是時候研究一下，我都諗住減一減個肚腩，着緊身衣好睇啲，個body有番個線條，冇咁痛啩？


阿Sing也是群組創辦成員之一，他最長情，這個「巡音」圖案keep了6年。


Alan除了參加比賽外，今次還是踩車遊日本的動漫之旅，其中一站就是埼玉縣久喜市鷲宮神社的「土師祭」。


說是動漫之旅，當然少不了踩車去秋葉原。

採訪：陳孝義
攝影：南（部份圖片由受訪者提供）
編輯：陳慧玲

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
唔講唔識