雖然不嬲都有人話香港政治小學雞
不過今次依件事又再彰顯出嚟

其實有乜理由何君堯嘅執業資格而家先爆出嚟
個個都指住何君堯張選舉單張話佢誤導
但依張嘢唔係應該喺選舉嗰時睇架咩
做咩嗰時冇查過

選戰其中一樣最重要嘅係熟讀對手嘅宣傳
就好似班保皇黨都會攞青政嘅天然氣嚟攻
對手講嘅嘢就係自己嘅最佳武器
執業資格可以話係比學歷更加重要
喺選舉其間竟然冇人查而係等到人地講句殺無赦先爆出嚟
你試諗下如果依單嘢喺選舉論壇又或者選舉最後一日爆嘅話效果會好幾多

雖然話就話立法會已經唔再重要
但至少都應該喺今次件事學到啲嘢
盡量睇晒所有候選人嘅宣傳 有應查嘅地方就即刻查
就算啲候選人唔識做都好 我地選民都要盡力