一直一向掛喺口邊一句:「口中反美，身體卻最誠實。」或「口中反美，下體的反應卻很誠實。」
而家可以再多一句: 口中反美，前列腺卻很誠實。

話說我喺共產殖民地既一個近親，中國陷共後出生，深中大中華主觀歷史及秦魔皇大一統千年遺毒，大中華膠一名。
香港陷共前多數於東南亞吃喝玩樂。但陷共後大多時間在大陸玩樂消費。
沉醉於大陸經濟泡沫帶來既物質層面繁華。

話說遮打革命時，經常喺Facebook攻擊黃之烽等人。話佢地「收左美國錢搗亂」。
自此之後我冇乜再同佢聯絡或來往。

最近我老母來美國探我。
佢知道後叫我幫佢喺美國揾樽營養丸。
係一支聲稱由美國公司出品及美國製造，包含南瓜瓜子成份(咁做乜唔直接食白瓜子？)，可以有效抗禦患前列腺癌風險。

我一上網搜尋，全美國毋論門市或網上零售都揾唔到有得賣。

上到產品官方網頁，網頁簡陋但寫晒英文又貼晒大美國國旗又乜乜物物美國官方食品或藥物或醫學研究機構認証。

去到網頁最底，公司聯絡資料一欄。
就只有一個臺灣地址同臺灣電話號碼(算係好彩 )。
結果即係等如全個德國都揾唔到既德國寶一類既老千牌子。 大中華膠至愛。

到我話俾佢聽係假野同美國冇得賣之後。
佢就叫我揾下有冇相若成份及功效但係真正Made in USA既類似營養丸俾我老母帶返去共產殖民地俾佢。

我喺我國既偉大Amazon.com揾到俾佢。
雖然係聲稱係我國製造。但其實我都無法證實真偽。
但至少我國amazon.com既可信性應該比共產中國既掏寶較高。

但我唔明我呢位親人既邏輯。
既然信美國信到連自己子孫根既未來健康都可以押在大美國上，咁點解當日又不斷以「收左美國錢」呢個又冇真憑實據既理由去攻擊黃之烽呢？

如果深信黃之烽係「收左美國錢亅，唔係應該好似信美製抗賓周癌藥咁去信黃之烽咩？

大中華膠，為左子孫根既享受就親中，但為左同一轆子孫根既健康時都係下體誠實親返美。