英超利物浦近排戰績相當一般，上仗作客紐卡素更充份體現咩係攻不銳守不穩，領隊高路普就自然係眾矢之的啦！紅軍名宿奇雲基瑾就力撐高路普，話佢係「最啱教紅軍嘅男人」，仲呼籲紅軍唔好急，要畀時間佢帶好隊波。

對於高路普嘅睇法，基瑾有讚冇彈：「我好鐘意睇利物浦，佢（高路普）最適合做紅軍領隊。佢有幽默感，啲粉絲又好LIKE佢。粉絲唔鐘意啲死板領隊，反而鐘意一啲有活力嘅。」基瑾講唔停口，又話：「我認為高路普係一個偉大嘅領隊，佢講嘢好直接，唔會轉彎抹角。」

不過基瑾唔認為紅軍今年可以首奪英超，佢話：「我唔覺得高路普今年可以為紅軍英超冠軍，即使高路普自己都會有同樣諗法，但前四應該係可以嘅。即使事情可能唔如意，但我希望紅軍要畀啲時間佢，因為佢係最啱教紅軍嘅男人。」

http://hk.apple.nextmedia.com/realtime/sports/20171007/57302938