http://hk.apple.nextmedia.com/realtime/sports/20171008/57305459

噚晚喺會展舉行嘅《王者對決3》以點數贏咗日本拳手河野公平，取得職業生涯22連勝嘅曹星如，因為左眼受傷入咗院留醫，不過呢位「神奇小子」今日已經急不及待喺Instagram同大家報平安。星如喺醫院嘅呢相係笑笑口仲做埋V字手勢，佢提番話當拳證終止比賽時自己即刻爆粗㖭。星如係咁講嘅︰

「我係度同大家報個平安先 我已經返到屋企啦 昨天經過醫生嘅檢查，冇咩大礙要等啲腫消，起碼兩星期。

琴晚留院觀察嘅時候，我睇左少少網上面嘅留言，大家好似有少許疑惑，我希望可以解答到各位。我個傷係因為第二回合，被對手的頭部猛烈撞擊而引致的，而且之後每個回合我都感覺佢不斷腫脹，視野越來越細。由第四回合開始，註場醫生係每一個回合都會上擂台邊檢查，問我：「睇唔睇到野？可唔可以打落去？」我同教練都即刻回答：「冇問題！可以繼續！」

打到第六個回合打打下，台上裁判突然暫停，叫註場醫生檢查傷勢，再一次問我：「睇唔睇到野？」我答：「冇問題！可以繼續！」直到打完第7回合，休息時間，醫生再次檢查，今次醫生一望我，就不停搖頭！沒有問我問題，直接講：「隻眼已經不能夠打開」同裁判商量，決定終止比賽！

當下，我立刻爆出一句「Shit」開始崩潰了。
因為我同教練在沒有棄權，並因傷勢嚴重的情況下終止比賽，所以我們進入計分判決。
#左眼打不開 #大家放心我無事 #真係要好好休養一番 #期待好返食番餐」