2011年風靡一時嘅台灣青春愛情電影《 那些年，我們一起追的女孩》，電影劇情勾起好多觀眾青春回憶，感動咗無數人，令大家都不禁諗返起自己心目中嘅「沈佳宜」。


電影喺亞洲各地上映都獲得好好成績，多年後《那些年，我們一起追的女孩》被日本導演睇中翻拍成日本版，更搵日本人氣偶像山田裕貴、齋藤飛鳥擔任男女主角，電影預計2018年秋天上映。男主角搵嚟27 歲嘅山田裕貴飾演，佢曾拍攝《海賊戰隊豪快者》及《惡作劇之吻～Love in TOKYO》等作品。



而女主角方面，齋藤飛鳥現年19歲、緬甸混血兒，乃木坂46人氣成員，仲擁有一張甜美可愛嘅樣，pure程度絕對唔會比當年嘅陳妍希差。日本媒體仲稱讚佢足以與橋本環奈媲美嘅超級美少女，一班粉絲相當期待佢會點詮釋「日版沈佳宜」。




https://hk.celebrity.yahoo.com/那些年被翻拍-日版沈佳宜係佢-060928632.html