「學生妹」揸的士你見過未？近日有網民於社交群組「馬路的事討論區」上載一段車Cam片，拍下一名穿着校服的人士，從的士司機位落車，並附上標題「好銷魂呀」及心心眼表情符號，隨即惹起網民熱議。

從片段所見，該名人士穿上連身校服裙，配以一把秀髮及長方形框眼鏡，而其長腿則以一對深色「婆仔鞋」襯托。

不少網民對該人士身份起疑，「夠五(唔)夠十八歲，學人揸車」、亦有人思疑其僅替父親看守的士，但有人更多網民懷疑他是「男扮女裝」。

另有網民上載其近身照片，指他其實是一名易服大叔，而且是的士司機，「佢喺荃灣交車」、「經常日更排機場」。更有人指曾坐過他的的士，「上次call車，聽電話嗰陣我以為佢係男人，一上車就見到呢條友，嗰下嚇親」。