Amazon 得兩粒星, 主要俾人屌單機少嘢玩, 乜都要online。玩單機都要online save 真係幾煩。

對上一次玩GT已經係初代, 年代久遠, 冇包袱, 冇得攞返隻GT6出來對比下, 所以冇失望。

而家十幾 lv, 仲未學完車。本來用R3扭軚, 見人話motion control更爽, 我又試下, 感覺應該咁玩, 於是要從頭學過。用motion control另一個好處係, 唔會同GTA有衝突, 唔會一轉game就唔識揸車。

車唔使買住, 日日有車送。改車可以自定拉花, 衰冇得加尾翼之類硬件。改性能要用里數, 里數難賺, 唔捨得用, 一架都未改過,


AI 做得唔錯, 有足夠挑戰性, 又唔會難玩到想死, 適合我水準, 暫時贏左頭兩個賽場, 要玩晒都須要一段時間。