《煩膠長文 小心慎入》
好多人都以為空手道，係一部勵志片。Um...... 我唔否認。不過我拍嚟，唔係愛嚟鼓勵任何人，而係鼓勵我自己。
雖然我2011年開始跟倉田老師學空手道，但係我最集中火力練功嘅時間，應該係由2014年嘅冬天開始。之後我嘅嘅生活，就好似進入寒冬一樣。
香港人，最鍾意，就係錢。
日本仔打到嚟就做漢奸，日本仔唔打嚟就做港奸。
我都好貪錢！但係，就好似逆權司機一樣，人，到咗一啲moment ，會因爲人性，而忘記咗原來入行嘅目的，忘記咗原本只係想搵錢。
結果身陷困境。
之後嗰幾年，朋友疏遠你，敵人笑9你，連原本送衫嚟嗰啲sponsor都唔送嘞！原本一年拍八部戲閒閒地搵千零二千萬，搞到一年搞一部，再唔係就漂洋過海，又或者響電視台度教人焗雞，遲下連KOL都做埋。有手有腳，餓我唔死嘅！
藍屍媒體笑你好正常，最搞笑連嗰啲自己個老細立場係人都知好黃嘅八婆周刊都笑你，就真係大開眼界！屈你話你食軟飯，其實我早幾年搵落嘅錢，寫我嗰個，一世都未必搵到！層樓我買嘅食我嘅著我嘅連佢揸緊架Ben屎都係我送嘅我點樣食軟飯呀仆街？你今日買咗樓比你老婆未呀？
試過去睇醫生，撞到個八婆，佢叫我唔使咁辛苦，叫個老婆出嚟做咪得囉！如果我叫得郁我老婆出嚟做，我會叫佢做殺手，第一個就殺你個冚家剷。
嗰啲藍屍 friend unfriend 你，好奇咩？黃屍又好好多？嗰啲黃屍 friend 同你去玩，都叫你唔好post 相！驚影響佢大陸啲生意喎。
我見幾多垃圾黃屍平時話支持但係又響電影page留言話：「唔係喜劇我唔信佢識拍囉。」咁你就快啲死返金鐘唱「今天我」啦你啲咁嘅......
人情冷暖，世態炎涼。
我心諗，如果我因為做嘢做得唔好，我唔紅，咁我抵死。但係封殺前我做主角嘅戲響香港收三千萬，咁又係咩玩法？睇唔起我嗰啲同行，其實咁嘅成績你地又試過未？
但係如果因為我嘅立場而輸，咁我唔會覺得自己羞恥囉。所以我出親街，都岳到個頭好高。
結果，我將呢幾年嘅憤怒，放咗響道場。
我條黑帶，就係咁樣打返嚟。
之後我寫咗「空手道」呢個劇本，講一個自細好鍾意空手道嘅女仔，因為一次失誤，而輸咗一場比賽，就咁佢就放棄咗。長大之後，佢習慣地將所有失敗歸咎於其他人，負面地活著。
直至佢老豆死咗，佢以為可以承繼老豆層樓，點知佢老豆反而比咗個徒弟！空手道係講佢點樣打返層樓返嚟！
我好感謝所有支持我嘅人，更感謝離棄我嘅人，令到呢部戲能夠順利完成。
正如禽日商台個監製Terry 一開始個錄音訪問嘅時候成條太監咁陰陰嘴笑住咁話：「等咗呢個訪問你嘅機會好耐，你知你幾少戲拍咖啦！」
你條契弟講得啱！既然我咁難得有戲上，希望大家多多支持！
我，係唔會認輸嘅！大家唔使安慰我，我安慰返你！不必懷憂喪志，在艱彌勵，戰鬥到底！