首先意外既係 睇到一半先發現
呢套野竟然係垃圾A-1 Pictures 既作品
我仲好奇 d分鏡幾特別 作畫水準都保持到
竟然係垃圾a-1 真係完全估你唔到

講返劇情 第一季我都係保持住輕鬆心情睇 無期望無特別
但係毒撚男主 金色雙馬尾 同 黑長直學姊 呢幾個設定差d就令我想刪左呢套野
呢d咁老土既套路 真係差d頂唔順
好在個標題係 路人女主 就繼續睇落去

我覺得前半段 全靠 加藤撐住
其他個d屬性 同 吐槽 笑位真係不斷重覆 好老土
加藤係唯一 原祖王道屬性 係呢個年代真係難能可貴

去到第二季 劇情急轉直下
突然間由輕鬆日常 變做認真青年系故事 係意想不到既發展
真心係稱讚呢一段既 寫呢d故事反而仲吸引

以下小小劇透 唔想睇就快d 上一頁
如果我係男主 我大慨唔會原諒佢2個 氣憤既原因大慨同加藤嬲男主有d相似
2位女主去一個更高層次既地方 學習 挑戰 進步
我覺得係值得鼓勵既 屈就係細社團反而會覺得on9
不過 如果係萌生去意既時候 同男主 直接商量 我覺得成件事好好多
現今故事既發展 我覺得直接用「背叛」係用得非常貼切

總結係: 成套野d角色減哂分
加藤 最高

有冇原作撚 想睇小說 應該邊到開始睇起
想知動畫cut得多唔多? 洗唔洗重頭睇