花美男實在太有吸引力，只要顏值夠高，足以令一班有戀弟情意結嘅大姐姐尖叫再尖叫!最近日本有對爆紅「美少年兄弟」，分別係 13歲哥哥「英亞」及12歲細佬「英蘭」，特別之處係兩兄弟個樣係兩種完全唔同嘅style，哥哥雙眼細長似韓星李準基，平時影相表情夠cool，標準貓顏!相反細佬雙眼圓大，加埋陽光笑容，屬於可愛犬顏！


兩兄弟一個型一個cute，電暈一班日本妹表示戀愛ing…話時話，單身嘅「姐姐們」，有冇心思思想試吓姊弟戀?心理學上，好多嚮往姐弟戀嘅男人，內心往往有一種戀母情結，想令「弟弟」愛上你，只要有以下3種特質就有分加!


1.成熟女人味

後生女係有活力有朝氣，但同時太幼稚；熟女成熟性感，比美眉多幾分女人味，對極度渴望母愛嘅男人嚟講，姐紅係超級有魅力!


2.保護弱者心態

男人天性就想保護女人，憐香惜玉會令佢哋更有成就感。單身熟女們大多數都係經歷過感情方面嘅傷害，好容易激發弟弟嘅雄性英雄氣概。


3.不理世俗眼光

雖然時代進步，但姊弟戀始終好易成為別人話題，好彩熟女有一定閱歷，經濟上有一定自主權，做決定可以更放得開，就算同冇經濟基礎嘅弟姊一齊，亦可以放得開，唔會覺得有壓力。


https://hk.style.yahoo.com/港女講日弟弟控注意姐姐令弟弟愛上自己嘅3大特質-072302563.html